اڭگىمە وزەگى – تۇرعىندار جاعدايىن جاقسارتۋ

قازاقستاننىڭ «اق جول» دەمو­كراتيالىق پارتياسى اتى­نان پارلامەنت ءماجىلىسى دەپۋتات­تىعى­نان ۇمىتكەرلەر تالعات ەرعاليەۆ پەن ەۆ­گەني كينتسەل قىزىلجار ءوڭىرىنىڭ سايلاۋشىلارىمەن كەزدەسۋلەر وتكىزىپ, ارقيلى ماسەلەلەر توڭىرەگىندە وي-پىكىرلەر الماستى. مامليۋت اۋدانىنا قاراستى ششۋچە ەلدى مەكەنىنە اتباسىن تىرەگەن ولار ال­دى­مەن «بەلوە-اگرو» جشس-ىندە بولدى. مۇندا سەرىكتەستىكتىڭ ەڭبەك تىنىسى­مەن تانىسقاننان كەيىن ۇجىم مۇشەلەرى­مەن جۇزدەسىپ, پارتيانىڭ سايلاۋالدى باع­دارلاماسىن اڭگىمە وزەگىنە اينالدىردى. تالعات فايزوللا ۇلى ءوز سوزىندە بۇگىن­گىدەي قيىن كەزەڭدە تۇراقتى ەكونو­ميكالىق كورسەتكىشتەرگە قول جەتكىزىپ كەلە جاتقان قازاقستاننىڭ دامۋ ءورىسى ودان ءارى كەڭەيە تۇسەرىن, مۇنداي سەنىمدى ءور­كەنيەتتى 30 ەلدىڭ قاتارىنا كىرۋ ستراتەگياسىن ءتۇزىپ بەرگەن ۇلت جوسپارى ورنىق­تىرعانىن جەتكىزە كەلىپ, بيزنەستى قورعاۋ, كاسىپكەرلىككە بۇقارالىق سيپات بەرۋ ساياسي ۇيىم تۇعىرناماسىنىڭ اجى­راعىسىز قۇرامداس بولىگى بولىپ تابىلاتىنىن ءبولىپ ايتتى. قازىرگى تاڭدا شاعىن جانە ورتا بيزنەستى ەلدى مەكەندەردە ورىستەتۋدىڭ قولايلى جولدارى كوپ. جىل وتكەن سايىن بۇل سالاعا قوماقتى قارجى ءبولىنىپ كەلەدى. وسىنىڭ ارقاسىندا اۋىل­دىقتاردىڭ ءومىر ءسۇرۋ دەڭگەيىنىڭ ساپا­لىق ءوسۋى قامتاماسىز ەتىلدى. ت.ەرعاليەۆتىڭ ايتۋىنشا, «اق جول» دەمو­كراتيالىق پارتياسى ەلباسى بەلگى­لەپ بەرگەن اۋقىمدى مەملەكەتتىك باع­دارلامالاردى قولداي وتىرىپ, كەشەن­دى شارالاردى جۇيەلى تۇردە جۇزەگە اسى­رۋعا ءوز ۇلەسىن قوساتىن بولادى. ەۆگەني كينتسەل ءبىلىم بەرۋ, دەن­ساۋ­لىق ساقتاۋ, رۋحاني-مادەني سالالاردىڭ ساپاسىن نىعايتۋ ماسەلەلەرى پارتيانىڭ جاڭا باعدارلاماسىندا كەڭ ورىن العانىن باياندادى. ءبىلىمدى جانە دەنساۋلىعى مىق­تى ۇلت قانا باسەكەلەستىككە توتەپ بەرە الادى. ءبىلىم بەرۋدىڭ قازىرگى زامانعى تالاپتارى مەن ستاندارتتارىن يگەرمەي العا باسۋ قيىن. سوندىقتان عىلىمي زەرتتەمەلەر مەن يننوۆاتسيالار جۇيەسىن قولداۋ, مەديتسينالىق مەكەمەلەر جەلىسىن اۋىلدىق جەرلەردە كەڭەيتۋ اسا ماڭىزدى. پارلامەنت ءماجىلىسى دەپۋتاتتىعىنان ۇمىتكەرلەر «حورسيەۆ» جەكە كاسىپ­كەر­لىگىندە بولىپ, قۇرىلىم قۇرامىنا ەنەتىن ديىرمەن, جيھاز تسەحى جۇمىستارىمەن تانىستى. مۇندا سايلاۋشىلاردى پارتيا­نىڭ تۇرعىن ءۇي قۇرىلىسىنا, جۇمىسپەن قامتۋ, جۇمىسسىزدىقتى ازايتۋعا, سىبايلاس جەمقورلىققا, قۇقىقتىق رەفورمانى جەتىلدىرۋگە, اشىق قوعام قۇرۋعا قاتىستى ۇستانىمدارى قىزىقتىردى. پارتيالىق ءتىزىم ارقىلى دەپۋتاتتىققا ۇسىنىلعان قوس كانديدات ساۋالدارعا ناقتى جاۋاپ بەرىپ, ماقساتى ايقىن, باعىتى ناقتى سايا­سي ۇيىمنىڭ جارقىن بولاشاققا ۇمتىلا بەرەتىنىن مالىمدەدى. مامليۋت ۇن ۇگۋ كومبيناتىندا وتكەن كەزدەسۋ دە تاعىلىمعا تولى بولدى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتى تۇسىرگەن تالعات تانىباەۆ.