ارالىق كەزەڭ قورىتىندىلاندى

كوكشەتاۋ قالاسىندا «اۋىل» حالىقتىق-دەموكراتيالىق پاتريوتتار پارتياسى وبلىستىق فيليالىنىڭ توراعاسى, ايماقتىق قوعامدىق شتابىنىڭ جەتەكشىسى ءابىلجان حۇسايىنوۆتىڭ توراعالىعىمەن شتاب وتىرىسى ءوتتى. «اۋىل» حدپپ اتىنان پارلامەنت ءماجىلىسىنىڭ دەپۋتاتتىعىنان ۇمىتكەر تالعات زەينۋللين, وبلىستىق فيليال ساياسي كەڭەسىنىڭ, جاستار قاناتىنىڭ مۇشەلەرى, پارتيا بەلسەندىلەرى قاتىسقان شارادا ۇگىت-ناسيحات ناۋقانىنىڭ ارالىق كەزەڭى قورىتىندىلاندى. ءا.حۇسايىنوۆتىڭ مالىمدەۋىنشە, ۇگىت-نا­سيحات كەزەڭى باستالعان كۇننەن بەرى رەسپۋبليكالىق جانە ايماقتىق شتاب­تىڭ بەلسەندىلەرى 80-نەن استام ءىس-شا­را ۇيىمداستىرعان. پارلامەنت ءماجى­لىسىنىڭ دەپۋتاتتىعىنان ۇمىتكەر رەتىن­دە تىركەلگەن ازاماتتار ەلىمىزدىڭ بار­لىق وڭىرلەرىندە بولىپ, حالىقپەن, ەڭ­بەك ۇجىمدارىمەن كەزدەسۋلەر ۇيىم­داستىرۋدا. پارتيانىڭ بارلىق ۇگىت ماتەريال­دارى دەر كەزىندە دايىندالىپ, وبلىس­تىق شتابتارعا جەتكىزىلدى. پارتيا بيلبور­دى ەلىمىزدىڭ بارلىق وڭىرلەرىندە ورنا­تىلعان. سايلاۋالدى ناسيحاتتىق بەينە­رو­ليكتەر رەسپۋبليكالىق ارنالاردان كورسەتىلۋدە. سونىمەن قاتار, حالىق­تى پارتيانىڭ سايلاۋالدى باعدار­لاماسىمەن تانىستىرۋ شارالارى ۇزدىكسىز جۇرگىزىلۋدە. – «اۋىل» پارتياسىنىڭ وڭىرلىك شتا­بى جۇمىسىن شيراتا تۇسۋدە. ءبىزدىڭ سايلاۋالدى جۇمىستارىمىز رەس­پۋب­ليكالىق ورتالىق شتاب بەكىتكەن كەستە بويىنشا جۇرگىزىلۋدە. ايماقتىق سايلاۋ كوميسسيالارى ءبىزدىڭ پارتيانىڭ 5 ءمۇ­شەسىن اۋداندىق ءماسليحاتتىڭ دەپۋتات­تىعىنان ۇمىتكەر رەتىندە تىركەدى. «سايلاۋ تۋرالى» زاڭ تالاپتارىنا ساي تىركەۋ­دەن وتكەن 90 سەنىم بىلدىرىلگەن ادام بەل­سەندى جۇمىستار اتقارۋدا. كۇن دەمەي, ءتۇن دەمەي, مەرەكە كۇندەرىنە قاراماس­تان, ۇگىت-ناسيحات شارالارى ءبىر ساتكە دە توقتاعان ەمەس. ساياسي, تاربيەلىك ماڭىز­داعى ءبىرتالاي شارالار جۇزەگە اسىرىلدى. ەندى بۇگىن ءجۇرىپ وتكەن جولىمىزدى ءبىر شولىپ, الداعى مىندەتتەردى جاڭاشا قارقىنمەن جۇرگىزۋدى ناقتىلاپ الماقپىز», – دەدى «اۋىل» حدپپ اقمو­لا وب­لىسى بويىنشا سايلاۋالدى شتا­بى­نىڭ ۇيلەستىرۋشىسى گۇلميرا قۇسايى­نوۆا. ايماقتىق شتاب بەلسەندىلەرىنىڭ اي­تۋىنشا, حالىقتىڭ دەپۋتاتتىقتان ءۇمىت­­كەرلەرىمەن كەزدەسۋى كەزىندە كوپ قويى­لاتىن سۇراقتار قاتارىنا جۇمىس­پەن قامتۋ, كوممۋنالدىق تولەمدەر ءتاريفى, ءبىلىم بەرۋ, دەنساۋلىق ساقتاۋ سالالارىنىڭ قولجەتىمدىلىگى, اۋىل شارۋاشىلىعىن دامىتۋ تاقىرىپتارىن قوسۋعا بولادى. بۇل ماسەلەلەردىڭ بار­لى­عى پارتيانىڭ سايلاۋالدى باعدار­لاما­سىندا كورىنىس تاپقان. سونىمەن قاتار, ءاربىر ۇگىت-ناسيحات توبىنىڭ باراتىن جەرى, ۋاقىتى, باعىتى بۇگىنگى كۇنى ناق­تى­­لان­عان, ءاربىر شارانىڭ باعدارلا­ماسى بەكىتىل­گەن جانە جەرگىلىكتى شتاب جۇ­مى­سىن كۇشەي­تۋ باعىتىندا ۇسىنىستار ازىرلەنگەن. باقبەرگەن امالبەك, «ەگەمەن قازاقستان». اقمولا وبلىسى.