الماتىنىڭ مىڭجىلدىعى

ءۇشىن لوگوتيپ تاڭداپ الىندى ءيا... سونىمەن, الماتى شا­ھارى 1000 جىلدىق مەرەيتويىن اتاپ وتۋگە دايىن. بىراق ول ايتۋلى مەرەكە ۇستىمىزدەگى جىلدىڭ قاي ايىندا, قاي كۇنى بولارى ازىرگە بەيمالىم. قالالىق مادەنيەت باسقارماسىنىڭ باس مامانى دانيار اليەۆتىڭ ءما­لىمەتىنە قاراعاندا, الماتى اكىمدىگىنىڭ اتىنان يۋنەسكو-نىڭ باس شتابىنا جازىلعان ارنايى قارار بار. «الماتىعا – 1000 جىل!» دەگەن ۇلى دۇبىرگە قاتىستى ماسەلە وڭ شەشىلىپ قالار دەگەن ءۇمىت تە جوق ەمەس. دەمەك... وسىعان وراي الماتى اسپانعا وتشاشۋ اتىلار كۇندى لايىقتى قارسى الۋعا تاس ءتۇيىن ءازىر ەكەنىن ءبىلدىرىپ تە قويدى. كۇنى كەشە قالانىڭ 1000 جىلدىعىنا ورايلاستىرىپ جاريالانعان ءبىر ايلىق بايقاۋدىڭ جەڭىمپازى انىق­تالدى. شاھاردىڭ ون عا­سىرلىق مەرەكەسىن ايشىق­تاي­تىن لايىقتى لوگوتيپ اۆتورى الماتىلىق سۋ­رەت­شى ەلەنا ماي­دانوۆا 1 ميل­ليون تەڭگە سىي­اقىنى جەڭىپ الدى. الدا­عى كۇندەرى قالا كو­شەلەرى مەن الاڭ­دارىنان ويىپ تۇرىپ ورىن الاتىن كەسكىندەمە سۋرەت ۇزىن-سانى 123 جوبانىڭ ءىشىن­دەگى ەڭ ۇزدىگى دەپ تانىلدى. ساراپ­شىلار بۇل سۋرەتكە كونە تۇركى زامانىنداعى رۋني­كالىق بەلگىلەرى ءۇشىن با­سىم­دىق بەرگەنىن جاسىرمايدى. الماتى اپورتىنىڭ عاجايىپ كەسكىندەمەسى وزگە بەلگى­لەرمەن جاراسىمدى ۇيلەسكەن دەگەن تۇجىرىم جاسالعانى دا بارشاعا جاريا ەتىلدى. بۇگىندە كۇللى شاھار تۇرعىن­دارى پاريج جاققا قۇلاق ءتۇرىپ, جەلدەي ەسىپ جەتەتىن جاعىمدى جا­­ڭا­لىقتى ىنتىزار كۇيمەن كۇتىپ وتىر... تالعات ءسۇيىنباي, «ەگەمەن قازاقستان». الماتى.