توعىز ۇمىتكەر دە ۇگىت جۇمىستارىنا كىرىستى

ورتالىق سايلاۋ كوميسسياسىنىڭ مۇشەسى تاتيانا وح­لوپكوۆا جۋرناليستەرمەن كەزدەسىپ, قازاقستان حالقى اسسام­بلەياسى سايلايتىن پارلامەنت ءماجىلىسىنىڭ دەپۋتاتتىعىنا كان­دي­داتتاردىڭ سايلاۋ الدىنداعى ۇگىتى ءجۇرىپ جاتقانىنان حاباردار ەتتى. «2016 جىلعى 6 ناۋرىزدا قا­زاق­ستان حالقى اسسامبلەياسى ساي­لاي­تىن پارلامەنت ءماجىلىسىنىڭ دەپۋتات­تىعىنا كانديداتتاردىڭ سايلاۋ الدىنداعى ۇگىتى باستالدى, ول 2016 جىلعى 19 ناۋرىزدا ساعات 24.00-دە اياقتالادى, – دەدى ت.وحلوپكوۆا. – ءوز­دەرىڭىز بىلە­تىن­دەي, 2 ناۋرىز­دا وسك قازاق­ستان حالقى اسسام­بلەياسى سايلاي­تىن قازاق­ستان رەسپۋب­ليكاسى پار­لا­مەنتى ءماجىلى­سىنىڭ دەپۋتات­تىعىنا كانديدات­تار­دىڭ ۇگىت جۇمى­سى­نا رەسپۋبلي­كالىق بيۋدجەت قارا­جا­تىنان قارجىلاندىرىلاتىن شى­عىس­تارىنىڭ مولشەرىن دە بەكىتتى». ونىڭ اتاپ وتكەنىندەي, تەلە­ديدار بويىنشا سايلاۋالدى باع­دار­لامامەن شىعۋعا ءاربىر كانديداتقا 139 000 تەڭگە بولىنەدى. ال راديودا باعدارلامامەن شىعۋعا – 82 000 تەڭگە, باسپا باسىلىمدارىندا ەكى ماقالا جاريالاۋعا – 178 000 تەڭگە, سايلاۋشىلارمەن كەزدەسۋلەر ءۇشىن ءۇي-جايدى جالعا الۋعا – 33 000 تەڭ­گە, ۇگىتتىك باسپا ماتەريالدارىن باسىپ شىعارۋعا – 66 000 جانە كولىك­تىك شىعىستارعا 132 000 تەڭگە بولىنەدى. «بۇعان قوسا, رەسپۋبليكالىق بيۋد­جەتتەن قر وسك بەلگىلەگەن ءمالى­مەت­تەردىڭ ستاندارتتى جيىنتى­عىمەن بىرىڭعاي ستاندارتتا كانديداتتار تۋرالى اقپاراتتىق پلاكاتتار ازىرلەۋگە دە اقشا بولىنەدى, ولار استانا قالالىق سايلاۋ كوميسسياسىندا جانە داۋىس بەرۋگە ارنالعان ءۇي-جايدا ورنالاستىرىلادى, – دەدى ول ءارى قاراي. – سونداي-اق, قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتىعىنا كانديداتتاردىڭ بۇقارالىق اقپارات قۇرالدارىنا كەدەرگىسىز جانە تەڭ قول جەتكىزۋىنە سايلاۋ زاڭناماسى كەپىلدىك بەرەدى». ت.وحلوپكوۆانىڭ حاباردار ەتكەنىندەي, باق تىركەلگەن بارلىق كانديداتتارعا ەفير ۋاقىتى مەن باس­پاسوز بەتىنەن ورىن بەرۋدە تەڭ جاعدايلار جاساۋى ءتيىس. كان­دي­داتتاردىڭ بارلىق ۇگىتتىك باسپا ماتەريالدارىندا سول ماتەريالداردى شىعارعان ۇيىم, ولار باسىلعان جەرi مەن تارالىمى, تاپسىرىس جاساعان تۇلعالار, قانداي قاراجاتتان تولەنگەندiگi تۋرالى مالiمەتتەر بولۋى قاجەت. Yگiتتiك باسپا ماتەريالدارىن قازاقستان رەسپۋبليكاسىنىڭ اۋماعىنان تىسقارى جەرلەردە دايىنداۋعا, انونيمدiك ۇگiت ماتەريالدارىن تاراتۋعا تىيىم سالىنادى. «قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتىعىنا كانديداتتاردىڭ ۇگىت ناۋقانى سايلاۋ زاڭناماسىنىڭ تالاپتارىنا سايكەس وتەتىنىنە جانە بارلىق كانديداتتار بەلگىلەنگەن ءتارتىپتى ۇستاناتىنىنا سەنىم بىلدىرەمىز», – دەدى ول. وسك مۇشەسى, سونداي-اق, پار­لامەنت ءماجىلىسىنىڭ دەپۋتاتتىعىنا قحا اتىنان ۇسىنىلعان ەڭ جاس كان­ديدات 33 جاستا ەكەنىن دە اتادى. ول – «لۋيس» ارميان مادەني ورتا­لىعىنىڭ ءتورايىمى نارينە ميكاەليان. ت.وحلوپكوۆانىڭ ايتۋىنشا, قحا اتىنان ۇسىنىلعان كانديداتتار سايلاۋ قورىن قۇرمايدى. «كانديداتتارمەن سايلاۋ قورى قۇرىلمايدى. ولارعا بيۋدجەتتەن 630 مىڭ تەڭگە كولەمىندە قارا­جات بولىنەدى. ونىڭ سىرتىندا وزگە كوزدەردەن قارجى تارتۋلارىنا رۇقسات بەرىلگەن. ولار قحا مۇشە­لەرىمەن بىرگە ۇگىت-نا­سي­حات جۇ­مىس­تارىن جۇرگىزە الادى. ويتكەنى, 21 ناۋرىزدا كانديدات­تار­دى قحا-نىڭ 446 مۇشەسى سايلاي­تىن بولادى», – دەدى ول وسى جونىندە. ءاليسۇلتان قۇلانباي, «ەگەمەن قازاقستان».