استانا. 10 ناۋرىز. سيريانىڭ حاما پروۆينتسياسىندا ۇكىمەت اسكەرى ارنايى وپەراتسيا كەزىندە اتىشۋلى «دجەبحات ان-نۋسرا» لاڭكەستىك ۇيىمىنا مۇشە 70 سودىردىڭ كوزىن جويدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
SANA اگەنتتىگىنىڭ حابارلاۋىنشا, ۇكىمەت اسكەرى پروۆينتسيانىڭ بىرنەشە ەلدى-مەكەنىن باسىپ العان «دجەبحات ان-نۋسرا» لاڭكەستىك ۇيىمىنا قارسى شابۋىل جاساعان. وپەراتسيا كەزىندە اسكەريلەر پۋلەمەت قارۋىمەن جابدىقتالعان ءتورت ماشينا جانە ءبىر قۇرىشتى ءاۆتوموبيلدىڭ تاس تالقانىن شىعاردى.
ايتا كەتەيىك, وسىدان ءبىر اپتا بۇرىن حاما پروۆينتسياسىندا اتى اتالعان ەكسترەميستىك توپ اسكەري بەكەتتەرگە شابۋىل جاساعان. تويتارىس بەرگەن ۇكىمەت اسكەرى 28 سودىردىڭ كوزىن جويدى. ال ەلدىڭ سولتۇستىك-شىعىسىندا «يراك پەن لەۆانت» لاڭكەستىك ۇيىمىنىڭ ەكسترەميستەرى ەلەكتر ستانتسياسىن باسىپ الىپ, تاسجولدى جاۋىپ تاستاعان.
سيريادا باشار اساد ۇكىمەتى مەن وپپوزيتسيالىق كۇشتەردىڭ اراسىندا بەيبىت كەلىسىم ورنادى. الايدا, بۇل كەلىسىمنىڭ كۇشى اتى اتالعان لاڭكەستىك توپقا جۇرمەيدى.
ايان ءابدۋالي.
دەرەك: ريا «نوۆوستي».
سۋرەت: news.mail.ru.