استانا. 10 ناۋرىز. رەسەيدە Fiat اۆتوكونتسەرنى اقاۋى بار 2,1 مىڭ Ducato ۇلگىسىندەگى كولىكتى كەرى قايتارادى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
كومپانيا باسشىلىعىنىڭ ايتۋىنشا, كولىكتەردىڭ بارىندە وتالدىرۋ جالعاعىشىن الماستىرۋ قاجەت. ولاردىڭ ءبارى ءتيىستى جوندەۋدەن وتكەننەن كەيىن يەلەرىنە قايتارىلادى. بۇل تىزىمگە وتكەن جىلدىڭ 15 قاڭتارى مەن 1 ماۋسىم ارالىعىندا شىققان كولىكتەر ەندى.
ايتا كەتەيىك, وتكەن ايدا Toyota كومپانياسى جاپونيادا ساتىلعان 2,87 ميلليون كولىكتى قاۋىپسىزدىك بەلدىگىنىڭ دۇرىس ورناتىلماعانىنا بايلانىستى كەرى شاقىرعان.
ال Volkswagen كومپانياسىنا ەكولوگياعا تارايتىن قالدىقتاردى ازايتىپ كورسەتەتىن قۇرىلعى ورناتقانىنا بايلانىستى ەۋروپانىڭ جانە ازيانىڭ بىرنەشە ەلدەرى ءىرى كولەمدى ايىپپۇل سالدى. سونداي-اق, اقش-تىڭ نيۋ-مەكسيكو شتاتىنىڭ باسشىلىعى كومپانيانىڭ بۇل ءىسىن العاش بولىپ سوتقا بەردى.
ايان ءابدۋالي.
دەرەك: تاسس.
سۋرەت: meuproximocarro.blogspot.com.