استانا. 10 ناۋرىز. ەگيپەتتىڭ وڭتۇستىگىندەگى سيناي تۇبەگىندە جول اپاتىنان 18 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قازا بولعانداردىڭ اراسىندا ەگيپەت ىشكى ىستەر مينيسترلىگىنىڭ 12 قىزمەتكەرى جانە 4 ستۋدەنت بار. قالعان ەكى ادام جايلى مالىمەت ازىرگە بەلگىسىز. سونداي-اق, 5 ادام ءتۇرلى دەڭگەيدە جاراقات الىپ, جاقىن ماڭايداعى اۋرۋحاناعا جەتكىزىلدى.
«ال-ياۋم اس-سابيا» باسىلىمىنىڭ حابارلاۋىنشا, جول-كولىك وقيعاسى ابۋ-رۋدەيس جانە وڭتۇستىك سيناي پروۆينتسياسىنىڭ اكىمشىلىك ورتالىعى ەت-تور ەلدى-مەكەندەرىنىڭ اراسىندا بولعان. جولاۋشىلارعا تولى ميكرواۆتوبۋس پەن جۇك كولىگى سوقتىعىسىپ قالدى. اپاتتىڭ سەبەبى ازىرگە بەلگىسىز. وقيعا ورنىندا پوليتسيا قىزمەتكەرلەرى تەرگەۋ امالدارىن جۇرگىزىپ جاتىر.
ايان ءابدۋالي.
دەرەك: تاسس.
سۋرەت: e1.ru