استانا. 10 ناۋرىز. مىسىردىڭ سولتۇستىك-شىعىسىندا ورنالاسقان سيناي تۇبەگىندە ءىرى جول-كولىك وقيعاسى تىركەلدى. وندا 12 ادام قازا تاۋىپ, 18 جولاۋشى ءتۇرلى دەنە جاراقاتىن الدى. بۇل تۋرالى 24.kz-كە سىلتەمە جاساعان egemen.kz تىلشىسى حابارلادى.
مىسىر ىشكى ىستەر مينيسترلىگىنىڭ حابارلاۋىنشا, جول اپاتى وڭتۇستىك سيناي پروۆينتسياسىندا ورىن العان. وندا ءابۋ-رۋدەيسا ورتالىعىنا تيەسىلى قىزمەتتىك كولىك پەن شاعىن اۆتوبۋس سوقتىعىسقان. سالدارىنان بىرنەشە پوليتسەي, 4 وقۋشى جانە جەكە تۇلعالارى انىقتالماعان تاعى 2 ادام قازا تاپقان.
ايتا كەتەيىك, قازىر وسى وقيعاعا بايلانىستى تەرگەۋ ءىسى جۇرگىزىلۋدە.
تالعات رايىمبەك.
دەرەك, سۋرەت: 24.kz.