قاراعاندى. 10 ناۋرىز. قاراعاندىدا بەلگىسىز بىرەۋلەر قالاداعى ءىرى كاسىپكەردىڭ ۇيىنە ءتۇسىپ, دۇنيە-مۇلكىن توناپ كەتتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
كۇدىكتىلەر كاسىپكەردىڭ قوناققا كەتكەنىن پايدالانىپ, وزدەرىنىڭ ارام ويلارىن تولىعىمەن جۇزەگە اسىرعان. ءۇيدىڭ ءىشىن ەمىن-ەركىن اقتارعان ولار نوۋتبۋك, التىن جانە كۇمىستەن جاسالعان زەرگەرلىك بۇيىمدار, ەكى قول ساعاتى, قۇندىز توندار مەن باس كيىم سىندى باعالى زاتتاردى الىپ كەتكەن. كاسىپكەرگە كەلتىرگەن شىعىننىڭ مولشەرى 870 مىڭ تەڭگەگە باعالاندى.
قازىرگى تاڭدا ءتارتىپ ساقشىلارى كۇدىكتىلەرگە قارسى ىزدەستىرۋ شارالارىن قاراستىرۋدا.
قايرات ءابىلدينوۆ.
دەرەك: قاراعاندى وبلىسى ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: nur.kz.