«قازاقستان تەمىر جولى» ۇك» اق دەلەگاتسياسى تۇركيانىڭ ىستامبۇل قالاسىندا وتكەن «Eurasia Rail 2016» حالىقارالىق تەمىرجولشىلار فورۋمىنا قاتىستى.
فورۋم شەڭبەرىندە «قتج»ۇك» اق پرەزيدەنتى اسقار ءماميننىڭ تۇركيا كولىك سالاسىنىڭ جەتەكشىلەرى – كولىك, كوممۋنيكاتسيا جانە تەڭىز جولى ءمينيسترى بينالي يىلدىرىممەن جانە مەملەكەتتىك تەمىرجولدىڭ باس ديرەكتورى ومەر يىلدىزبەن جۇمىس بابىنداعى كەزدەسۋلەرى بولدى.
كەزدەسۋلەر بارىسىندا ەكى ەلدىڭ كولىك جانە لوگيستيكا سالالارىنداعى ىنتىماقتاستىعىنىڭ بىرقاتار ماسەلەلەرى مەن قىتاي – قازاقستان – تۇركيا – ەۋروپا ترانسكاسپي حالىقارالىق كولىك مارشرۋتىن (تحكم) دامىتۋ ماسەلەلەرى تالقىلاندى.
كولىك, كوممۋنيكاتسيا جانە تەڭىز جولى ءمينيسترى بينالي يىلدىرىم 2016 جىلدىڭ قازان ايىندا اياقتالادى دەپ جوسپارلانعان كارس – احالكالاكي تەمىرجول بولىگى قۇرىلىسىنىڭ بارىسى تۋرالى اقپارات بەردى.
تۇركيا مەن گرۋزيا اراسىندا تەمىرجول قاتىناسىن ورناتۋ ترانسكاسپي حالىقارالىق كولىك مارشرۋتىنىڭ جۇمىسىنا قوسىمشا قۋاتتى سەرپىن بەرەتىن بولادى.
ا.مامين اتالعان مارشرۋت قىتاي, تۇركيا جانە ەۋروپانىڭ وڭتۇستىك بولىگى ەلدەرىنىڭ اراسىنداعى نارىقتاردىڭ كولىك بايلانىسىن شەشۋ ءۇشىن جاڭا لوگيستيكالىق باعىتتار ىزدەپ وتىرعان حالىقارالىق كولىك-لوگيستيكالىق قوعامداستىقتىڭ نازارىن وزىنە اۋداراتىنىن اتاپ كورسەتتى.
قوس تاراپ تحكم-نى دامىتۋدىڭ ۇيلەستىرۋ كوميتەتىنىڭ مارشرۋتتىڭ ءتيىمدى تاريفتىك ساياسات ءجۇرگىزۋ, تاسىمالداۋدىڭ ءبىرتۇتاس تەحنولوگيالارىن ەنگىزۋ جانە ينتەگراتسيالانعان مۋلتيمودالدىق لوگيستيكالىق ءونىم قۇرۋ ناتيجەسىندە باسەكەگە قابىلەتتىلىگىن ارتتىرۋ بويىنشا جاساپ جاتقان جۇمىسىن وڭ باعالادى.
كەزدەسۋ بارىسىنا, سونداي-اق, اڭگىمە تۇركيادان شىعاتىن جۇك تيەلگەن اۆتوكولىك اعىنىن اقتاۋ پورتى ارقىلى ورتالىق ازيا ەلدەرى مەن قازاقستانعا ۇلعايتۋ تۋرالى ءوربىدى. تەك وسى جىلدىڭ وتكەن ەكى ايى ىشىندە عانا جۇك تيەپ وتكەن كولىكتەر سانى 1660-تان استام بىرلىكتى قۇراسا, 2015 جىل بويى 1885 كولىك وتكەن ەدى.
ەسكە سالا كەتسەك, تەمىرجول كولىگى, ينفراقۇرىلىم جانە لوگيستيكا جونىندەگى «Eurasia Rail 2016» حالىقارالىق فورۋمى اۋقىمى ءجونىنەن دۇنيەجۇزى بويىنشا ءۇشىنشى سالالىق فورۋم سانالادى. ول ەۋرازيا قۇرلىعىندا ىرعاقتى دامىپ كەلە جاتقان لوگيستيكالىق ينفراقۇرىلىمداردىڭ مۇمكىندىكتەرىن باعالاۋعا مۇمكىندىك بەرەدى.
ۇستىمىزدەگى جىلى كورمە مەن كونفەرەنتسياعا الەمنىڭ 25 ەلىنەن 200-دەن استام كومپانيانىڭ وكىلدەرى كەلدى.
ساۋلەبەك ءبىرجان.