تۇڭعىش كينومەحانيك قازاق قىزى

ءراپيا حالىقوۆانىڭ وجەتتىگى جاس ۇرپاققا ارقاشاندا ۇلگى-ونەگە كوكتەمنىڭ شۋاعىن شاشقان العاشقى مەرەكەسى كۇنى جاسى 80-گە تولعان ءراپيا اپا حالىقوۆا سوعىستان كەيىنگى اۋىر تۇرمىس-تىرشىلىكتى باسىنان وتكىزگەن بۋىن­نىڭ وكىلى سانالادى. جاس قىزدى قۇربىلارىنان وقشاۋلاعان ءبىر عانا ەرەكشەلىك – ول بالا كەزدەن كينەماتوگرافيا سالاسىندا ەڭبەك ەتۋدى كوزدەگەن ەكەن... ءراپيا حالىقوۆا جۇرەگى قالا­عان, كوڭىلىنە جاققان بۇل كاسىبى ءۇشىن 36 جىل ءومىرىن ارنادى. – ول كەزدەگى وتانىمىز مەنىڭ ادال ەڭبەگىمدى باعالادى, كەۋدەمە «قۇرمەت بەلگىسى» مەن «وكتيابر رەۆوليۋتسياسى» وردەندەرىن تاقتى,– دەيدى ءراپيا اپاي وتكەن كۇندەردى ساعىنا ەسكە الىپ. ونىڭ بەر جاعىندا ءراپيا قىز كەزىندە حالىق اقىنى كەنەن ءازىر­باەۆتان باتا العان. ماسكەۋدىڭ كرەمل سارايىندا وتكەن سەزدەر مەن كون­فەرەنتسيالاردا ءسوز سويلەگەن. ءتىپتى, سول كەزدەگى كسرو مادەنيەت ءمينيسترى ە.فۋرتسەۆانىڭ ءوزى قازاقتان شىققان تۇڭعىش كينومەحانيك قىزدىڭ قولىن قىسىپ, العىسىن ءبىلدىرىپتى. تالعات ءسۇيىنباي, «ەگەمەن قازاقستان». الماتى.