سەنات بيۋروسىندا پالاتانىڭ كەزەكتى وتىرىسىنىڭ كۇن ءتارتىبى كەلىسىلدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
سەناتورلار اقپارات سالاسىنداعى قىلمىستىق ارەكەتكە قارسى ءىس-قيمىل بويىنشا ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ ءوزارا ءىس-قيمىلى تۋرالى حاتتامانى; قۇقىقتىق اكتىلەر تۋرالى; زاڭناماعا قۇقىقتىق اكتىلەر ماسەلەلەرى بويىنشا تۇزەتۋلەردى; تورەلىك تۋرالى; تۇرعىن ءۇي قۇرىلىسىنا ۇلەستىك قاتىسۋ تۋرالى; تەمىرجول جولاۋشىلار كولىگى ماسەلەلەرى بويىنشا زاڭ جوبالارىن تالقىلايدى.
زاڭناماعا تورەلىك ماسەلەلەرى بويىنشا; تۇرعىن ءۇي قۇرىلىسىنا ۇلەستىك قاتىسۋ ماسەلەلەرى بويىنشا; رۇقسات بەرۋ قۇجاتتارىن قىسقارتۋ جانە رۇقسات بەرۋ راسىمدەرىن وڭايلاتۋ ماسەلەلەرى بويىنشا; مەملەكەتتىك قىزمەتتەر كورسەتۋ ماسەلەلەرى بويىنشا; عارىش قىزمەتى ماسەلەلەرى بويىنشا; مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ ماسەلەلەرى بويىنشا تۇزەتۋلەر ءبىرىنشى وقىلىمدا تالقىلانادى. دەپۋتاتتار زاڭناماعا ەكولوگيالىق ماسەلەلەر بويىنشا جانە حالىقتى جۇمىسپەن قامتۋ ماسەلەلەرى بويىنشا تۇزەتۋلەردى ەكىنشى وقىلىمدا قارايدى.
بيۋرودا, سونداي-اق, «ءبىر جاعىنان, قازاقستان رەسپۋبليكاسى مەن ەكىنشى جاعىنان, ەۋروپالىق وداقتىڭ جانە وعان مۇشە مەملەكەتتەردىڭ اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسىن حالىقارالىق قاتىناستار, قورعانىس جانە قاۋىپسىزدىك كوميتەتىنە بەرۋ جونىندە قاۋلى قابىلدادى.