استانا. 7 ناۋرىز. تەننيستەن دەۆيس كۋبوگىنىڭ 1/8 فينالى شەڭبەرىندە قازاقستان سەربيا قۇراماسىمەن كۇش سىناسىپ, ءۇش كۇننەن تۇرعان ايقاستا 2:3 ەسەبىمەن ەسە جىبەردى. بۇل تۋرالى egemen.kz ءتىلشىسى حابارلادى.
سەربيا استاناسى – بەلگراد قالاسىندا وتكەن جارىستىڭ سوڭعى كۇنىندە الدىمەن كورتقا الەمنىڭ ءبىرىنشى راكەتكاسى نوۆاك دجوكوۆيچ پەن قازاقستاندىق ميحايل كۋكۋشكين شىقتى. 4 ساعات 57 مينۋتقا جالعاسقان ويىندا دجوكوۆيچ 6:7, 7:6, 4:6, 6:3, 6:2 ەسەبىمەن جەڭىسكە جەتىپ, جالپى ەسەپتى تەڭەستىردى.
ال بەسىنشى شەشۋشى كەزدەسۋدە سەربتەر ۆيكتور ترويتسكيگە سەنىم ارتتى. ال قازاقستان قۇراماسىنىڭ كاپيتانى الەكساندر نەدوۆەسوۆكە مۇمكىندىك بەردى. الايدا, اتر رەيتينگىندە 23-ورىندا تۇرعان ترويتسكي ءبىزدىڭ تەننيسشىدەن ءۇش سەتتە 6:2, 6:3, 6:4 ەسەبىمەن باسىم ءتۇسىپ, جالپى ەسەپتە كومانداسىنا جەڭىس اپەردى.
وسىلايشا, دەۆيس كۋبوگىنىڭ شيرەك فينالىنا بەرىلەر جولدامانى سەربيا يەمدەندى. بۇعان دەيىن ۇلىبريتانيا, ارگەنتينا, فرانتسيا, اقش, يتاليا جانە رەسەي قۇرامالارى دا جارىستىڭ اتالعان كەزەڭىنە شىققانىن اتاپ وتكەن ءجون.
ەلامان قوڭىر.
دەرەك: egemen.kz.
سۋرەت: daviscup.com.