الماتى قالاسىندا جۇرگىزىلگەن تەكسەرۋ ناتيجەسىندە جەكە سوت ورىنداۋشىسىنىڭ بيۋدجەت قاراجاتىن زاڭسىز يەمدەنگەنى انىقتالىپ, سوت ۇكىمىمەن جازا تاعايىندالدى. قارجىلىق زاڭبۇزۋشىلىقتىڭ ناقتى سحەماسىن قالالىق پروكۋراتۋرا اشكەرەدى, دەپ جازادى Egemen.kz.
الماتى قالاسىنىڭ پروكۋراتۋراسى مالىمەتىنشە, جەكە سوت ورىنداۋشىلارىنىڭ قىزمەتىنە جۇرگىزىلگەن تەكسەرۋ بارىسىندا زاڭسىز ارەكەتتەر تىركەلگەن. اتاپ ايتقاندا, جەكە سوت ورىنداۋشىسى قىزمەتتىك جاعدايىن پايدالانىپ, 2024 جىل ىشىندە اليمەنت ءوندىرۋ بويىنشا اتقارۋشىلىق ءىس جۇرگىزۋلەر اياسىندا ءوز قىزمەتىنە اقى رەتىندە بيۋدجەتتەن 4,2 ملن تەڭگە زاڭسىز العان.
اتىراۋدا اليمەنت تولەمەگەندەردىڭ بەرەشەگى 3 ملرد تەڭگەدەن اسقان
تەرگەۋ بارىسىندا بەلگىلى بولعانداي, قولدانىستاعى زاڭ تالاپتارىنا سايكەس ءبىر اتقارۋشىلىق ءىس جۇرگىزۋ بويىنشا تولەم جىلىنا ءبىر رەتتەن ارتىق تولەنبەۋى ءتيىس. الايدا سوت ورىنداۋشىسى بۇل نورمانى ورەسكەل بۇزىپ, ادىلەت دەپارتامەنتىنە 47 اتقارۋشىلىق ءىس بويىنشا 76 رەت قايتالاما ەسەپ جولداعان. وسىلايشا ول بيۋدجەت قاراجاتىن جۇيەلى تۇردە زاڭسىز يەمدەنىپ وتىرعان.
المالى اۋداندىق سوتى ۇكىمىمەن كىنالى تۇلعا 2 جىل 4 اي مەرزىمگە باس بوستاندىعىنان ايىرىلىپ, سونداي-اق 5 جىل مەرزىمگە ءتيىستى قىزمەتپەن اينالىسۋ قۇقىعىنان ايىرىلدى.
ورالدا اليمەنت تولەمەگەن بورىشكەر باس بوستاندىعىنان ايىرىلدى