استانا قالاسىنىڭ قىلمىستىق ىستەر جونىندەگى اۋدانارالىق سوتى تانىمال بلوگەرلەر ەربولات جانابىلوۆ پەن ەلميرا تولەگەنوۆاعا قاتىستى ۇكىم كەستى. ەرلى-زايىپتىلار ونلاين-كۋرستار مەن ۇتىس ويىندارى ارقىلى قاتىسۋشىلاردى الدادى دەپ ايىپتالدى, دەپ حابارلايدى Egemen.kz.
سوت بارىسىندا ايىپتالۋشىلار ءوز كىناسىن تولىق مويىنداپ, وكىنىش بىلدىرگەن. سونداي-اق ولار مەملەكەتكە كەلتىرىلگەن 247,6 ملن تەڭگە كولەمىندەگى م ۇلىكتىك شىعىندى ءوز ەركىمەن وتەگەن. وسىعان بايلانىستى تاراپتار پروكۋرورمەن پروتسەسسۋالدىق كەلىسىمگە كەلدى:
ەربولات جانابىلوۆتىڭ مۇلكى تاركىلەنىپ, 2 جىلعا شارتتى تۇردە باس بوستاندىعىنان ايىرىلدى. ەلميرا تولەگەنوۆاعا 2 جىلعا باس بوستاندىعىنان ايىرۋ جازاسى كەسىلدى. الايدا سوت ۇكىمنىڭ ورىندالۋىن 2 جىلعا شەگەردى.تەرگەۋ نۇسقاسى بويىنشا, بلوگەرلەر ونلاين-كۋرستار ساتىپ, سۇرانىستى ارتتىرۋ ءۇشىن قىمبات اۆتوكولىكتەر مەن سىيلىقتار ۇتىسىن ۇيىمداستىرعان. ولار ۇتىس قورى ء«وز قاراجاتىمىزدان قۇرالدى» دەپ جالعان اقپارات تاراتقان. ءىس جۇزىندە سىيلىقتار قاتىسۋشىلاردىڭ كۋرستار ءۇشىن تولەگەن اقشاسى ەسەبىنەن الىنعان بولىپ شىقتى.
شىمكەنتتە اكىمدىكتەن 10 ملن تەڭگە بوپسالاعان بلوگەر سوتتالدى