استانا. 7 ناۋرىز. بۇگىن ەلىمىزدىڭ باتىس جانە سولتۇستىك بولىگىندە اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى. بۇل تۋرالى «قازگيدرومەتكە» سىلتەمە جاساعان egemen.kz ءتىلشىسى حابارلادى.
سينوپتيكتەردىڭ بولجامىنشا, كەي جەرلەردە جاۋىن-شاشىن جاۋىپ, كوكتايعاق, جاياۋ بۇرقاسىن كۇتىلەدى. سونداي-اق, تۇمان بايقالىپ, جەل كۇشەيەدى.
اقمولا وبلىسىندا جەلدىڭ جىلدامدىعى سەكۋندىنا 15-20 كەي جەرلەردە 23-28 مەترگە دەيىن بارادى. تۇمان, كوكتايعاق, جاياۋ بۇرقاسىن بولادى. الماتى وبلىسى جالاڭاشكول اۋدانىندا جەلدىڭ كۇشى سەكۋندىنا 18-23 مەترگە دەيىن بارادى.
جامبىل, قاراعاندى وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. ال قوستاناي وبلىسىنىڭ كەي جەرلەرىندە تۇمان, كوكتايعاق, جاياۋ بۇرقاسىن بولادى. جەلدىڭ جىلدامدىعى سەكۋندىنا 15-20 مەترگە دەيىن بارادى.
سولتۇستىك قازاقستان وبلىسىنىڭ كەي جەرلەرىندە جاياۋ بۇرقاسىن بولىپ, جەلدىڭ جىلدامدىعى 15-20 مەترگە دەيىن كۇشەيەدى. ماڭعىستاۋ, اتىراۋ, باتىس قازاقستان, شىعىس قازاقستان وبلىستارىنىڭ كەي جەرلەرى تۇماندى بولادى.
ايان ءابدۋالي.
دەرەك: «قازگيدرومەت».
سۋرەت: egemen.kz.