استانا. 6 ناۋرىز. ۋكراينانىڭ دنەپروپەتروۆسك وبلىسىنداعى «يۋبيلەينايا» شاحتاسىندا مەتان گازى جارىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
اتالعان شاحتاداعى جارىلىستىڭ سالدارىنان 3 ادام زارداپ شەككەن. قۇتقارۋشىلار توتەنشە جاعداي كەزىندە كەنىشتە 170-تەن استام جۇمىسشى بولعان دەگەندى ايتۋدا. جارىلىس كەزىندە ولار تەز ارادا سىرتقا شىعارىلعان.
ايتا كەتەيىك, قازىرگى ۋاقىتتا جارىلىستىڭ سەبەپ-سالدارىن انىقتاۋ ءۇشىن ارنايى كوميسسيا قۇرىلدى. ولار اپات ورنىندا قۇتقارۋشىلارمەن بىرىگىپ جۇمىس جاساۋدا.
تالعات رايىمبەك.
دەرەك, سۋرەت: 24.kz.