استانا. 5 ناۋرىز. بۇگىن مەملەكەت باسشىسى «ماكدونالدس» جىلدام ازىرلەنەتىن تاعام مەيرامحاناسىنا باردى. بۇل تۋرالى akorda.kz حابارلادى.
مەملەكەت باسشىسى «ماكدونالدس» كورپوراتسياسىنىڭ قازاقستانداعى العاشقى كاسىپورنى جۇمىسىمەن تانىسىپ, ەڭبەك ۇجىمىمەن اڭگىمەلەستى
مەيرامحانا اۋدانى 863 شارشى مەتر اۋماقتى الىپ جاتىر, كەلۋشىلەر ءۇشىن وتىرۋعا لايىقتالعان 206 ورنى بار. ونى بەزەندىرۋگە جاڭا تۇجىرىمدارعا نەگىزدەلگەن ديزايندار, سونداي-اق, كەلۋشىلەرگە قىزمەت كورسەتۋدەگى ەڭ زاماناۋي جۇيەلەر قولدانىلعان.
كومپانيانىڭ ەكىنشى مەيرامحاناسىن دا 2016 جىلى اشۋ جوسپارلانعان, ال تاياۋ بەس جىلدا تاعى 15 مەيرامحانا اشۋ كوزدەلىپ وتىر.
«ماكدونالدستىڭ» قازاقستانداعى مەيرامحانالارىنا ازىق-ت ۇلىك سىننان وتكەن ءونىم جەتكىزۋشىلەردەن كەلەتىن بولادى. سونىمەن بىرگە جەرگىلىكتى وندىرۋشىلەر بازاسىن دامىتۋ جۇمىستارى جالعاسۋدا.
مەيرامحانانىڭ استاناداعى رەسمي اشىلۋ ءراسىمى 8 ناۋرىزدا وتەدى.
«ماكدونالدس» – قوعامدىق تاماقتانۋ جانە جىلدام قىزمەت كورسەتۋ سالاسىنداعى الەمدىك كوشباسشىنىڭ ءبىرى. الەمنىڭ 120 ەلىندە كومپانيانىڭ 36 مىڭ كاسىپورنى كەلۋشىلەرگە قىزمەت كورسەتەدى.
ەلامان قوڭىر.
دەرەك, سۋرەت: egemen.kz.