قاراعاندى. 23 اقپان. قاراعاندى وبلىسىنىڭ ءتارتىپ ساقشىلارى تەمىرتاۋ قالاسىندا ەسىرتكى ساتۋمەن اينالىسىپ جۇرگەن ۇيىمداسقان قىلمىستىق توپتىڭ ءىس-ارەكەتىن اشكەرەلەدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تەمىرتاۋدىڭ 49 جاستاعى تۇرعىنى قۇرعان قىلمىستىق توپ ۇزاق ۋاقىتتان بەرى ۇيىمداسقان تۇردە اسا ساقتىقپەن ارەكەت ەتىپ كەلگەن. ساتىپ الۋشىلار اقشانى بوگدە بىرەۋلەردىڭ اتىنا اشىلعان كارت-شوتتارعا اۋدارعاننان كەيىن, ەسىرتكىنىڭ قاي جەردە جاسىرىلعانى تۋرالى حاباردى ۇيالى تەلەفون, حابارلامالار ارقىلى الىپ جۇرگەن.
قازىرگى تاڭدا قىلمىستىق توپتىڭ قۇرامىنداعى سەگىز كۇدىكتى تۇگەلدەي قاماۋعا الىنىپ, سوتقا دەيىنگى تەرگەۋ امالدارى جۇرگىزىلىپ جاتىر.
قايرات ءابىلدينوۆ.
دەرەك, سۋرەت: قاراعاندى وبلىسىنىڭ ىشكى ىستەر دەپارتامەنتىنىڭ ءباسپاسوز قىزمەتى.