قۇرلىق اۋىلىنىڭ تۇرعىنى نۇرلىبەك بەيسەنوۆ ۆاحتالىق ادىسپەن جۇمىس ىستەيدى. ياعني, ءبىر اي بويى جۇمىستا بولسا, ءبىر اي دەمالادى. وسىدان ءبىر ايدان استام ۋاقىت بۇرىن نۇرلىبەك كەزەكتى ۆاحتاعا اتتانعاندا ونىڭ قوراسىنداعى بۇرىن ەكى-ءۇش مارتە بۇزاۋلاعان سيىرى تاعى دا تولدەيدى.
وسى ءبىزدى بىرەۋلەر «اڭعال قازاق» دەسە كادىمگىدەي رەنجيتىنىمىز بار. سول اڭعالدىق بۇل جولى دا قايتالاندى. ۇيىنە كەلگەن سوڭ نۇرەكەڭ تۋعان سيىردىڭ جانىندا ويناقتاپ جۇرگەن بۇزاۋدىڭ الدىڭعى ءبىر اياعىنىڭ جوق ەكەنىن كورگەندە ايرا-جايرا كۇي كەشەدى. وتباسى مۇشەلەرى دە بۇنى قالاي بايقاماعان؟ كورشى-قولاڭ دا اڭ-تاڭ. وسىلايشا: «مەن دە اڭ-تاڭ, اپام دا اڭ-تاڭنىڭ» جالعاسى ءبىراز جەرگە بارىپتى. بۇل بۇكىل اۋىلعا «سەنساتسيالىق» جاڭالىق بولدى.
قازىر نۇرلىبەكتىڭ سيىرى كەزەكتى مارتە دۇنيەگە اكەلگەن ءۇش اياقتى بۇزاۋىن مەيىرلەنە جالاپ, ەركەلەتەدى ەكەن. ال ءۇش اياقتى بۇزاۋ الدىڭعى ءبىر اياعىنا سالماق تۇسە مە, كەيدە موپ-موماقان بولىپ, ءبىر ورنىندا دەمالىپ تۇراتىنعا ۇقسايدى. قۇرلىق اۋىلىنىڭ ءۇش اياقتى بۇزاۋىن تاماشالاۋشىلار ءجۇدا كوپ...
احمەتجان بەردىقۇل.
وڭتۇستىك قازاقستان وبلىسى,
سايرام اۋدانى.