استانا. 15 اقپان. انگولادا اۆستراليالىق كومپانيا سالماعى 404,2 كارات بولاتىن الماز تاس ءوندىرىپ شىعاردى. بۇل تۋرالى ria.ru سايتىنا سىلتەمە جاساعان egemen.kz ءتىلشىسى حابارلادى.
Lucapa Diamond Company باعالى تاستى سولتۇستىك لۋندا پروۆينتسياسىنان ءوندىرىپ شىعاردى. بۇل الماز انگولادا تابىلعان اسىل تاستاردىڭ ىشىندەگى ەڭ اۋىرى بولىپ ەسەپتەلەدى. وسىعان دەيىن اتالعان ماڭايدان سالماعى 100 كاراتتان اساتىن ءۇش الماز ءوندىرىپ الىنعان.
كومپانيا باسشىسى مايلز كەننەدي بۇرىن-سوڭدى مۇنداي ۇلكەن تاستى ساتىپ كورمەگەندىكتەن ناقتى قۇنىن بىلە الماي وتىرعاندىعىن مالىمدەدى. الايدا, وسىعان دەيىن سالماعى بۇل تاستان ازداپ جەڭىلدەۋ المازدار 14 ميلليون اقش دوللارىنا ساتىلعاندىعىن ايتتى.
ايتا كەتەيىك, الەمدەگى ەڭ ۇلكەن الماز تاس 1905 جىلى وڭتۇستىك افريكا رەسپۋبليكاسىنداعى Premier Mine كەنىشىندە تابىلدى. سالماعى 3 مىڭ 106 كاراتتى (621 گرامم) قۇراسا, كولەمى 100ح65ح50 مم بولادى. بۇل كەن ورنىنىڭ يەسى توماس كۋلليناننىڭ قۇرمەتىنە ايگىلى تاسقا «كۋللينان» دەگەن اتاۋ بەرىلدى. سونداي-اق, «افريكا جۇلدىزى» دەگەن ەسىممەن دە بەلگىلى.
ايان ءابدۋالي.
دەرەك, سۋرەت: ria.ru.