استانا. 15 اقپان. الماتىداعى 28 گۆارديالىق-پانفيلوۆشىلار اتىنداعى ساياباقتا «ناس ميلليونى پانفيلوۆتسەۆ» حالىقارالىق ەسكە الۋ ۆاحتاسىنىڭ شتاندارتى سالتاناتتى تۇردە تابىس ەتىلدى. بۇل تۋرالى egemen.kz ءتىلشىسى حابارلادى.
شتاندارت باتىرلىق سيمۆولى رەتىندە قازاقستان قارۋلى كۇشتەرىنىڭ اسكەري قىزمەتشىلەرى قابىلداعاننان كەيىن رەسەيگە جىبەرىلىپ, ءارى قاراي تمد ەلدەرى مەن قالالارىنا جىبەرىلەدى.
سالتاناتتى راسىمگە قۇرمەت قاراۋىل روتاسى مەن قۇرلىق اسكەرلەرىنىڭ اسكەري ينستيتۋتى جانە راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ وركەسترى, قازاقستان اەروۇتقىر اسكەرلەرىنىڭ, سونداي-اق ۇلتتىق ۇلاننىڭ 150-گە جۋىق اسكەري قىزمەتشىسى, يۆان پانفيلوۆتىڭ نەمەرەسى, قالالىق اسكەري-پاتريوتتىق كلۋبتاردىڭ وقۋشىلارى مەن تاربيەلەنۋشىلەرى قاتىستى.
بۇدان بۇرىن 11 اقپاندا شتاندارتتى پاۆلوداردا قارسى الدى. «پانفيلوۆشىلار مەن وزگە دە داڭقتى قورعاۋشىلاردىڭ ەرلىكتەرى جايلى قازاقستان تاريحىندا التىن ارىپتەرمەن جازىلعان. بۇگىندە ءبىزدىڭ ميسسيامىز وتانىمىزدى قورعاۋعا سارپ ەتكەن جانە قازاقستاندىق پاتريوتيزم رۋحىندا جاستارعا تاربيە بەرۋ, وتانعا دەگەن ادالدىققا, اسكەري مىندەتتى ورىنداۋعا ازىرلىككە جەتەلەگەن داڭقتى, پانفيلوۆشى باتىرلاردى قۇرمەت تۇتۋدان تۇرادى», دەدى پاۆلودار وبلىسىنىڭ قورعانىس ىستەرى جونىندەگى دەپارتامەنتى باستىعىنىڭ ورىنباسارى دميتري بۋكسمان
«ناس ميلليونى پانفيلوۆتسەۆ» حالىقارالىق ەسكە الۋ ۆاحتاسى رەسەي فەدەراتسياسىنىڭ ورىنبور قالاسىندا وتكەن جىلدىڭ 16 قازانىندا باستالعان. ول 1941 جىلى ماسكەۋدەگى پانفيلوۆشىلاردىڭ ەرلىگىنىڭ 75 جىلدىعىنا ارنالعان.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.