الماتى. 15 اقپان. الماتىداعى ءابىلحان قاستەەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۇراجايى مەن ءابىلحان قاستەەۆتىڭ مۇراجاي-ءۇيى «ءابىلحان قاستەەۆ. ويۋ-ورنەكتەر ورنامەنتى» اتتى البوم-كىتابىنىڭ تۇساۋكەسەرىن 17 اقپان كۇنى وتكىزەدى. بۇل تۋرالى egemen.kz ءتىلشىسى حابارلادى.
البوم-كىتاپتا قازاقستاننىڭ حالىق سۋرەتشىسى, شوقان ءۋاليحانوۆ اتىنداعى مەملەكەتتىك سىيلىعىنىڭ يەگەرى ءابىلحان قاستەەۆتىڭ قولىنان شىققان اۆتورلىق ويۋ-ورنەكتەرىنىڭ وتباسىلىق مۇراعاتتا ساقتالىپ قالعان ۇلگىلەرى كورىنىس تاپقان.
سۋرەتشىنىڭ قىزدارى گۇلداريا مەن گۇلنازيا مول مۇرانىڭ ىشىندەگى وسىناۋ ءبىر وزگەشە ونەر تۋىندىلارىن ساقتاي كەلە, كوپشىلىك قاۋىمنىڭ يگىلىگىنە اينالدىرۋ ءۇشىن تالاپتانعان.
كىتاپ «اتامۇرا» كورپوراتسياسى جاۋاپكەرشىلىگى شەكتەۋلى سەرىكتەستىگىنىڭ دەمەۋشىلىگىمەن 2015 جىلدىڭ سوڭىندا «اتامۇرا» باسپاسىنان جارىق كوردى. البوم-كىتاپتىڭ العىسوزىن جازعان گۇلنازيا ابىلحانقىزى قاستەەۆا.
تۇساۋكەسەرگە ونەرتانۋشىلار, سۋرەتشىلەر, قولونەر شەبەرلەرى, جۋرناليستەر, ونەر وقۋ ورىندارىنىڭ ۇستازدارى مەن شاكىرتتەرى شاقىرىلادى دەپ كۇتىلۋدە.
ايناش ەسالي.
دەرەك, سۋرەت: egemen.kz.