قاراعاندى. 15 اقپان. قاراعاندىدا اقشا بوپسالاۋ ماقساتىندا ادام ۇرلادى دەگەن ايىپ تاعىلعان كۇدىكتىلەر قولعا ءتۇستى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
كۇدىكتىلەر 18 جاستاعى قالا تۇرعىنىن كەپىلگە الىپ, ونىڭ اعاسىنان 350 مىڭ تەڭگە كولەمىندە اقشا العان. بۇل وقيعادان حاباردار بولعان پوليتسيا قىزمەتكەرلەرى جەدەل جوسپار قۇرىپ, سونىڭ ناتيجەسىندە «ميتسۋبيسي» اۆتوكولىگىندەگى ەكى كۇدىكتىنى ۇستادى. ءتىنتۋ بارىسىندا كولىكتىڭ ىشىنەن 12 كوليبرلى اڭشى مىلتىعى مەن جەتى وق, بەيسبول تاياعى, پىشاق جانە اقشا تابىلدى.
ەكى كۇدىكتىنىڭ سىبايلاستارىن تابۋ ماقساتىندا ءتارتىپ ساقشىلارى ولار تۇرىپ جاتقان پاتەرگە ءتىنتۋ جۇرگىزدى. ناتيجەسىندە ول جەردەن تاعى دا ەكى كۇدىكتى مەن كەپىلگە الىنعان جاس جىگىت تابىلدى.
ولار ۋاقىتشا قاماۋعا الىندى. قازىر سوتقا دەيىنگى تەرگەۋ امالدارى ءجۇرىپ جاتىر.
قايرات ءابىلدينوۆ.
دەرەك: قاراعاندى وبلىسىنىڭ ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: lenta.ru.