الماتى. 15 اقپان. ءال-فارابي اتىنداعى قازاق ۇلتتىق ۋنيۆەرسيتەتىنىڭ كىتاپحاناسىندا جازۋشى ادولف ارتسيشەۆسكيدىڭ «بيگەلدى عابدۋللين: تاۋبەگە قۇقىلىق» اتتى كىتابىنىڭ ەكىنشى باسىلىمى وقىرماندارمەن تانىستىرىلدى. دەرەكتى رومان-ەسسە « ۇلى قونىس» كىتابىنىڭ اۆتورى, پۋبليتسيست بيگەلدى عابدۋلليننىڭ ءومىر جولىنا ارنالعان. بۇل تۋرالى قازاق ۇلتتىق ۋنيۆەرسيتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
بەلگىلى قالامگەر بيگەلدى عابدۋللين قازىر Central Asia Monitor اتتى رەسپۋبليكالىق گازەتتىڭ باس رەداكتورى ءارى شىعارۋشىسى.
كەزدەسۋ بارىسىندا كىتاپ اۆتورى ادولف ارتسيشەۆسكي زامانداسىنىڭ ومىردەگى ەركىندىگى مەن شىعارماشىلىق ۇمتىلىس-تالاپتارى جايىندا اڭگىمەلەپ بەردى. سونداي-اق, ستۋدەنتتەر مەن كەش قوناقتارىنىڭ سۇراقتارىنا جاۋاپ بەردى.
«اۆتوردىڭ ارحيۆ بەتتەرىن تالماي زەرتتەگەنى كورىنىپ-اق تۇر. كىتاپ سىرلى سەزىمگە تولى. اۆتوردىڭ وزىندىك ەرەكشەلىگى كىتاپتىڭ تىلدىك جەڭىلدىگىمەن, ەنتسيكلوپەديالىق ناقتىلىعىمەن سيپاتتالادى», – دەدى فيلولوگيا عىلىمدارىنىڭ دوكتورى, پروفەسسور اسلان جاقسىلىقوۆ.
تالعات ءسۇيىنباي.
دەرەك, سۋرەت: ءال-فارابي اتىنداعى قازاق ۇلتتىق ۋنيۆەرسيتەتىنىڭ ءباسپاسوز قىزمەتى.