شىمكەنت. 15 اقپان. وڭتۇستىك قازاقستان وبلىسىندا «قازاق ەلىنە مىڭ العىس» مونۋمەنتى بوي كوتەرەدى. بۇل تۋرالى وبلىستىق اسسامبلەيا حاتشىلىعى تاراتقان مالىمەتكە سىلتەمە جاساعان egemen.kz ءتىلشىسى حابارلادى.
«كەزىندە تاعدىر-تالايىمەن قازاقستانعا جۇزدەگەن ۇلتتار كۇشتەپ اۋدارىلدى. تۋمىسىنان اقكوڭىل, بارىن قوناعىمەن بولىسەتىن قازاق حالقى ولارعا ءوز ءۇيىنىڭ جارتىسىن ءبولىپ بەرىپ, قولىنداعى بارىمەن ءبولىستى. اشتىققا ۇرىندىرمادى. بۇل مونۋمەنتتى تۇرعىزۋعا كەشەگى اتا-بابالارىنىڭ قازاق حالقىنا راحمەتى ءۇشىن بۇگىنگى ۇرپاقتارى ۇيىتقى بولىپ وتىر. ال, 1 ناۋرىز ەلىمىزدە العىس كۇنى رەتىندە اتالىپ وتەدى», دەيدى وبلىس اكىمى اپپاراتى باسشىسىنىڭ ورىنباسارى, وبلىستىق اسسامبلەيا حاتشىلىعىنىڭ مەڭگەرۋشى ءمۇراتالى قالمۇراتوۆ.
باقتيار تايجان.
دەرەك, سۋرەت: egemen.kz