استانا. 13 اقپان. نيگەريانىڭ سولتۇستىك-شىعىسىندا ورنالاسقان ەكى ەلدى-مەكەندە لاڭكەستەر شابۋىل جاساپ, 30 ادام قازا تاپتى. بۇل تۋرالى ria.ru سايتىنا سىلتەمە جاساعان egemen.kz ءتىلشىسى حابارلادى.
سودىرلار توبى ياكحاري جانە كاچيفا ەلدى-مەكەندەرىنە باسىپ كىرىپ, شابۋىل جاساعان. بۇل جولعى قاندى ارەكەتكە بارعان تاعى دا «بوكو حارام» لاڭكەستەرى ەكەنى انىقتالدى.
«لاڭكەستەردىڭ ارەكەتىنەن 30 ادام مەرت بولدى. ولار سونداي-اق, اۋىل ۇيلەرىن توناپ, مالدارىن ايداپ اكەتكەن», – دەدى جەرگىلىكتى ءتارتىپ ساقشىلارى.
ايتا كەتەيىك, اتالعان توپتىڭ ارەكەتتەرىنەن 2009 جىلدان بەرى بارلىعى 20 مىڭعا جۋىق ادام قازا تاۋىپ, ونداعان مىڭ تۇرعىن ءتۇرلى جاراقات العان. ولار كوبىنە نيگەريانىڭ سولتۇستىك بولىگىندە, كامەرۋن جانە چاد ەلدەرىندە تەررورلىق شابۋىل جاسايدى.
ايان ءابدۋالي.
دەرەك, سۋرەت: ria.ru.