كەشە «نازارباەۆ ورتالىعىندا» قازاقستان رەسپۋبليكاسى تۇڭعىش پرەزيدەنتى – ەلباسى قورى سىيلىعىنىڭ لاۋرەاتتارىن ماراپاتتاۋ ءراسىمى ءوتتى. بۇل شارانىڭ نەگىزگى ماقساتى – مادەنيەت پەن ونەر سالاسىنداعى جاس شىعارماشىل قىزمەتكەرلەردىڭ جەتىستىكتەرىنە قولداۋ كورسەتۋ جانە باعالاۋ, سونداي-اق, عىلىم مەن تەحنيكا سالاسىنداعى جاس عالىمداردىڭ عىلىمي-زەرتتەۋ جۇمىستارى ناتيجەلەرىن تانۋ بولىپ تابىلادى.
ەلباسى قورى 2008 جىلدان بەرى تاعايىنداپ كەلە جاتقان سىيلىقتى يەلەنۋ ءۇشىن بيىلعى كونكۋرسقا رەسپۋبليكانىڭ تۇكپىر-تۇكپىرىنەن 100-دەن استام ۇمىتكەر ۇسىنىلعان ەكەن. ولاردىڭ ىشىندە: مۋزىكا, تەاتر جانە بەينەلەۋ ونەرى, كينەماتوگرافيا, كوركەم ادەبيەت, جۋرناليستيكا, فيزيكا, ماتەماتيكا, ينجەنەرلىك, قوعامدىق جانە گۋمانيتارلىق سالالار بار. كونكۋرسقا كەلىپ تۇسكەن جۇمىستاردى قاراپ, سارالاۋ جۇمىسىن جاس عالىمدار كەڭەسىنىڭ جانە قوردىڭ جانىنداعى شىعارماشىل جاستار كەڭەسىنىڭ مۇشەلەرى اتقارعان.
سونىمەن, جۇزدەن جۇيرىك, مىڭنان تۇلپار 21 لاۋرەاتتىڭ قاتارىندا كىمدەر بار دەگەنگە كەلەتىن بولساق, اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ بالەت ءارتىسى ءاليا ساپۋگوۆا, «استانا وپەرا» تەاترىنىڭ جەتەكشى ءسوليسى سۇندەت بايعوجين, كومپوزيتورلار كەڭەسىنىڭ مۇشەسى عالىمجان سەكەەۆ, بوتانيكا جانە فيتويندۋستريا ينستيتۋتىنان بيولوگيا عىلىمدارىنىڭ كانديداتى ناتاليا كۋرباتوۆا, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تەحنيكالىق فيزيكا كافەدراسىنىڭ دوتسەنتى اسەت قاينارباي جانە باسقا دا دارىندى ادامدار بار.
راۋان قايدار,
«ەگەمەن قازاقستان».
سۋرەتتى تۇسىرگەن
ەرلان وماروۆ.