ەلباسى نۇرسۇلتان نازارباەۆ اقىن, قوعام قايراتكەرى ولجاس سۇلەيمەنوۆپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا قازاقستاننىڭ قارۋسىزدانۋ جانە يادرولىق قارۋدى تاراتپاۋ سالاسىنداعى قىزمەتىنىڭ نەگىزگى باعىتتارى تالقىلاندى.
سونىمەن قاتار, مەملەكەت باسشىسىنىڭ سەمەي يادرولىق پوليگونىن جابۋ تۋرالى جارلىققا قول قويۋىنىڭ 25 جىلدىعى اياسىندا وتەتىن ءىس-شارالارعا دايىندىق ماسەلەلەرى قاراستىرىلدى.
نۇرسۇلتان نازارباەۆ گەوساياسي احۋالدىڭ كۇردەلىلىگىن ەسكەرە وتىرىپ, بەيبىتشىلىك پەن قاۋىپسىزدىك قاعيداتتارىن حالىقارالىق اۋقىمدا ءارى قاراي ىلگەرىلەتۋدىڭ ماڭىزدىلىعىن ايتتى.
و.سۇلەيمەنوۆ ءوز كەزەگىندە جاھاندىق انتيادرولىق قوزعالىسقا مەملەكەتتەردىڭ عانا ەمەس, قوعامدىق ۇيىمداردىڭ كۇش-جىگەرى مەن ازاماتتىق باستامالاردى جۇمىلدىرۋ قاجەتتىگىنە نازار اۋداردى.
سۋرەتتى تۇسىرگەندەر
س.بوندارەنكو, ب.وتارباەۆ.