رەسپۋبليكالىق ايەلدەر كەڭەسىنىڭ ەلباسىنىڭ «بەسىنشى شاقىرىلعان قازاقستان رەسپۋبليكاسى
پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن
تىس سايلاۋىن تاعايىنداۋ تۋرالى» جارلىعىنا بايلانىستى
مالىمدەمەسى
قازاقستاننىڭ ىسكەر ايەلدەرى مەملەكەت باسشىسىنىڭ قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى شەشىمىنە قولداۋ بىلدىرەدى. ەلباسىنىڭ بۇل شەشىمى ازاماتتارىمىزدىڭ باسىم كوپشىلىگىنىڭ كوڭىل كۇيىن كورسەتەدى. ءبىزدىڭ ءبارىمىز تاۋەلسىز قازاقستاننىڭ قالىپتاسۋى مەن دامۋىنا تىكەلەي اتسالىسىپ كەلەمىز. وسى جىلداردىڭ بارىندە ەلىمىزدە تۇراقتىلىق پەن كەلىسىم سالتانات قۇردى. ەلباسىنىڭ سارابدال ساياساتىنىڭ ارقاسىندا ءبىز ەكونوميكالىق داعدارىستاردى ۇلكەن قيىندىقتارسىز ەڭسەرۋ ۇستىندەمىز. جانە بۇگىندە, جاڭا قاۋىپ-قاتەرلەر جاعدايلارىندا, مەملەكەت ولاردى ەڭسەرۋ بويىنشا شەشىمدى ءىس-قيمىلداردىڭ ناقتى جوسپارىنا يە. پرەزيدەنت ايقىنداپ بەرگەن بەس ينستيتۋتتىق رەفورما قازاقستان ءۇشىن كەز كەلگەن سىلكىنىستەرگە توتەپ بەرىپ, ءارى قارايعى تابىستى دامۋدى ساقتاۋعا قابىلەتتى بەرىك نەگىز بولىپ وتىر. قولعا الىنىپ جاتقان وسىنداي كەڭ اۋقىمدى شارالار بيلىكتىڭ بارلىق دەڭگەيىندە, ءبىرىنشى كەزەكتە, زاڭ شىعارۋشى تارماعىندا ناقتى ىسكە اسىرۋدى تالاپ ەتەتىنى تۇسىنىكتى. ەلىمىزدەگى بارلىق ايەلدەردىڭ مۇددەسىن قورعاي وتىرىپ, ءبىزدىڭ ۇيىم پرەزيدەنتكە رەفورمالاردىڭ باستاپقى كەزەڭىندە-اق ولاردى جۇزەگە اسىرۋدا كىمگە سەنىم ءبىلدىرۋ مۇمكىندىگىن ۇسىنعانى ءۇشىن ريزاشىلىعىن بىلدىرەدى. سايلاۋ – ءار ازاماتقا بولاشاققا ۇمتىلعان ۇلتتىڭ شىنايى ءپاتريوتيزمى مەن بىرلىگىن كورسەتەتىن ۇدەرىس. ءبىز قۋاتتى, ءوسىپ-وركەندەگەن جانە تابىستى قازاقستان ءۇشىن كۇش-جىگەر جۇمساپ كەلدىك, جۇمساپ جاتىرمىز جانە جۇمساي بەرەتىن بولامىز.