«قازاقستان ۋكرايندارى راداسىنىڭ» پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ
كەزەكتەن تىس سايلاۋلارىن وتكىزۋ
باستاماسىن قولداۋ تۋرالى
قازاقستان ۋكرايندارىنىڭ راداسى پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋلارىن وتكىزۋ باستاماسىن قولدايدى. تاۋەلسىزدىكتىڭ 25 جىلىندا دامۋدا ادام سەنگىسىز سەكىرىس جاساعان بىزدەر – قازاقستاندىقتار قۋاتتى دا زاماناۋي مەملەكەت قۇرۋ جولىندا ەڭبەكتەنۋ ۇستىندەمىز. بىرلىكتىڭ, جۇدىرىقتاي جۇمىلۋ مەن رۋح كۇشتىلىگىنىڭ ارقاسىندا ءبىز ەكونوميكالىق دامۋعا, ەتنوسارالىق كەلىسىم مەن قوعامداعى تۇراقتىلىققا قول جەتكىزدىك. بۇگىندە قازاقستان مەملەكەت قۇرىلىسىنىڭ ساپالى جاڭا كەزەڭىنە اياق باستى. مەملەكەت باسشىسى 5 ينستيتۋتتىق رەفورمانى ىلگەرىلەتسە, ول بولاشاعى ءبىرتۇتاس ۇلت قالىپتاستىرۋدا ارقاۋلىق ۆەكتور ءرولىن اتقارىپ وتىر. ءبىز جاڭا سايلاۋ قازاقستاننىڭ بارلىق ازاماتتارىنىڭ ۇلت جوسپارىن جۇزەگە اسىرۋ ۇدەرىستەرىنە قاتىسۋىن بەلسەندى ەتە تۇسۋىنە, پارتيالاردىڭ ەلدى دامىتۋ مىندەتتەرىن شەشۋگە كەڭىنەن قاتىسۋى نەگىزىندە بەيبىتشىلىكتى, بىرلىك پەن كەلىسىمدى نىعايتۋ جولىنداعى جالپىۇلتتىق مامىلەگە كەلۋگە مۇمكىندىك بەرەدى دەپ ۇمىتتەنەمىز.