قوستاناي. 22 مامىر. قوستاناي وبلىسىندا ورتتەن اجال قۇشقاندار سانى ازايماي تۇر. بيىل جىل باسىنان بەرى 15 ادام وت قۇشاعىندا جان تاپسىرعان. ورتتەن بولعان ادام ءولىمى وتكەن جىلدىڭ العاشقى ءتورت ايى مەرزىمىمەن سالىستىرعاندا 66 پايىزعا وسكەن. بۇل تۋرالى egemen.kz ءتىلشىسى حابارلادى.
وسى 15 ادامنىڭ 14-ءى جەكە تۇرعىن ۇيلەردە شىققان ورتتەن قازا تاپقان. جالپى جىلدىڭ باسىنان بەرگى 4 ايدا وبلىستا 294 ءورت تىركەلگەن, ادام شىعىنىن ايتپاعاندا, 3 ميلليون 523 مىڭ تەڭگە ماتەريالدىق شىعىن بولعان. وبلىستا ورىن العان ءورت وقيعالارى وتكەن جىلدىڭ العاشقى ءتورت ايىمەن سالىستىرعاندا 4 پايىزعا كوپ. وتكەن جىلدارداعى سەكىلدى ءورتتىڭ نەگىزگە باسىم بولىگى تۇرعىن ۇيلەردەن شىعادى, بيىل ولاردا 200 ءورت تىركەلگەن. ولاردىڭ سانى قالا مەن اۋىلدا ءبىر دەڭگەيدە.
وبلىستاعى توتەنشە جاعدايلار دەپارمامەنتى باستىعىنىڭ مىندەتىن اتقارۋشى ۆيكتور شيللەردىڭ ايتۋىنشا, ءورت بولعان جەردە ادامداردى ءولىمى ولاردىڭ ساسىپ قالۋىنان, ءورتتى سوندىرۋدە دۇرىس ارەكەت ەتپەۋىنەن, سونىمەن قاتار ۇيىقتاپ قالۋ جانە ىشىمدىك ىشۋدەن بولادى.
توتەنشە جاعدايلار دەپارتامەنتى باستىعىنىڭ مىندەتىن اتقارۋشى ۆيكتور شيللەر: «ۇيلەردەگى ءورتتىڭ شىعۋىنا دا, ادام ولىمىنە باستى سەبەپ ادام فاكتورى. پەشتى جاققاندا ەرەجەلەر دۇرىس ساقتالمايدى جانە ىشىمدىكتىڭ سالدارى مول. قازىر ورتكە قارسى قىزمەتتىڭ جەكە سەكتورداعى ۇيلەردە تەكسەرۋ جۇمىستارىن جۇرگىزۋى زاڭداردا قارالماعان. اسىرەسە, تۇرعىندارمەن اقپاراتتىق-ناسيحات جۇمىستارىنا قاتىستى», دەدى.
ءنازيرا جارىمبەتوۆا.
دەرەك, سۋرەت: egemen.kz