قوستاناي. 22 مامىر. قازاقستان رەسپۋبليكاسى ۇلتتىق گۆاردياسىنىڭ قوستاناي قالاسىنداعى №6697 اسكەري ءبولىمىنىڭ جەكە قۇرامى امانگەلدى اۋدانىنداعى تابيعي اپاتتىڭ زارداپتارىن جويۋ جۇمىستارىنا قاتىسۋدا. بۇل تۋرالى egemen.kz ءتىلشىسى حابارلادى.
اسكەري بولىمشە كومانديرىنىڭ ورىنباسارى نۇربول اماندىقوۆ باسقاراتىن جەكە قۇرامى 18 مامىردان باستاپ «التىن دالا» مەملەكەتتىك تابيعي رەزەرۆاتىنداعى قىرىلعان كيىكتەردىڭ ولەكسەسىن جويۋ جۇمىستارىن اتقارىپ ءجۇر. دالادا ولگەن كيىكتەردى تەرىپ, تاسۋ جۇمىستارى وڭاي بولىپ تۇرعان جوق. ساربازدار اۋا رايىنىڭ قولايسىزدىعىنا, جۇمىستىڭ اۋىرلىعىنا قاراماستان بارلىق تاپسىرىلعان مىندەتتەردى ءمىنسىز ورىنداۋدا.
№6697 اسكەري بولىمشەسىندەگى كلۋب مەڭگەرۋشىسى زارينا بايعازينوۆا: «بۇرىن اسكەري بولىمشە قوعامدىق ءتارتىپتى قامتاماسىز ەتەتىن, قازىر زاڭ اكتىلەرىنىڭ بەكىتىلۋىنە سايكەس اسكەري قىزمەتكەرلەر تابيعي اپات زارداپدارىن جويۋ جۇمىستارىنا كومەكتەسەدى», دەدى.
اسكەري بولىمشە وقيعا بولعان جەرگە 6 شاتىر تىكتى, دالا قوسىن ورناتتى. ساربازدار وتان, مەملەكەت الدىنداعى بارلىق تاپسىرماعا ارقاشان دايىن. تابيعي اپات ورنىنداعى جۇمىستارعا ساربازدار كۇشى ۇلكەن كومەك بولىپ تۇر. وتان الدىنداعى پارىز ءمىنسىز ورىندالۋدا.
ءنازيرا جارىمبەتوۆا.
دەرەك, سۋرەت: egemen.kz