ەڭبەك جانە حالىقتى الەۋمەتتىك قورعاۋ مينيسترلىگى ورتاشا جالاقىنى ەسەپتەۋ تارتىبىنە قاتىستى بىرىڭعاي ەرەجەلەرگە وزگەرىستەر ەنگىزۋ جوباسىن ازىرلەدى, دەپ حابارلايدى Egemen.kz.
جوبانىڭ نەگىزگى ماقساتى – قولدانىستاعى نورمالاردى ەڭبەك كودەكسىنە سايكەستەندىرۋ. وسىعان بايلانىستى كەيبىر تەرميندەر ناقتىلانىپ, رەداكتسيالىق تۇزەتۋلەر ەنگىزۋ ۇسىنىلىپ وتىر. اتاپ ايتقاندا, «ديەتالىق (ەمدىك جانە پروفيلاكتيكالىق) تاماقتانۋعا ارنالعان ارنايى ونىمدەر» دەگەن ۇعىم «ديەتالىق ەمدىك جانە ديەتالىق پروفيلاكتيكالىق تاماقتانۋعا ارنالعان تاعام ونىمدەرى» دەپ وزگەرتىلەدى.
قازاقستاندا ەڭ تومەنگى جالاقىنى كىمدەر الادى؟
سونىمەن قاتار ورتاشا جالاقىنى ەسەپتەۋ كەزىندە ەسكەرىلمەيتىن تولەمدەر تىزىمىنە قاتىستى دا ناقتىلاۋلار بار. جوباعا سايكەس, مۇنداي تولەمدەر قاتارىنا جۇمىس بەرۋشى تاراپىنان بەرىلەتىن ءسۇت نەمەسە وعان تەڭەستىرىلگەن تاعام ونىمدەرى, ديەتالىق ەمدىك جانە پروفيلاكتيكالىق تاعام ونىمدەرى, سونداي-اق ەڭبەك زاڭناماسىندا كوزدەلگەن ارنايى كيىم مەن جەكە قورعانىس قۇرالدارىنىڭ قۇنى ەنگىزىلەدى.
اتالعان قۇجات «اشىق نقا» پورتالىندا جاريالانىپ, 12 مامىرعا دەيىن قوعامدىق تالقىلاۋدا بولادى.
ايتا كەتەيىك, بۇعان دەيىن ەڭبەك مينيسترلىگى ەڭ تومەنگى جالاقىنى كوتەرۋ مەرزىمىنە قاتىستى دا تۇسىنىك بەرگەن بولاتىن.