ونەركاسىپتەگى كووپەراتسيا: قازاقستان مەن ەەك بىرلەسكەن جوبالاردى تالقىلادى

كەزدەسۋ بارىسىندا گوار بارسەگيان قارىز قاراجاتى بويىنشا, ونىڭ ىشىندە قازاقستاندىق كاسىپورىنداردىڭ قاتىسۋىمەن پايىزدىق مولشەرلەمەنى سۋبسيديالاۋدى قاراستىراتىن ونەركاسىپتەگى كووپەراتسيالىق جوبالاردى قارجىلىق قولداۋ تەتىگىن ىسكە اسىرۋ تۋرالى حاباردار ەتتى. قازىر ەەك-كە 15 جوبا كەلىپ تۇسكەن. ونىڭ بەسەۋى ماقۇلدانسا, قالعانى قاراستىرىلىپ جاتىر. بۇل جوبالاردىڭ ءبىرىن قازاقستان ءوزى باستاپ ۇسىنسا, تاعى ەكەۋىنە قاتىسۋشى رەتىندە قوسىلعان.

اتاپ ايتقاندا, 2025 جىلعى قاڭتاردا اقمولا وبلىسىنداعى «KAZROST Engineering Ltd.» جك بازاسىندا اۋىل شارۋاشىلىعى تەحنيكاسىن ءوندىرۋدى ۇيىمداستىرۋ جونىندەگى قازاقستاندىق كووپەراتسيالىق جوبا ماقۇلداندى. جوبا جيناقتاۋشى جانە تەحنولوگيالىق جابدىق جەتكىزەتىن رەسەي مەن بەلارۋس كاسىپورىندارىمەن كووپەراتسيادا استىق جينايتىن كومباين كابيناسى ءوندىرىسىن ىسكە قوسۋدى كوزدەيدى.

قازاقستان الەمنىڭ 72-دەن استام ەلىنە اۋىل شارۋاشىلىعى ونىمدەرىن جەتكىزەدى

جوبانى ىسكە اسىرۋ كاسىپورىننىڭ وندىرىستىك قۋاتىن جىلىنا 700-دەن 1 000 بىرلىككە دەيىن ۇلعايتۋعا, ءوندىرىستى تەحنولوگيالىق قايتا جاراقتاندىرۋعا جانە جاڭعىرتۋعا, سونداي-اق 50 جاڭا جۇمىس ورنىن قۇرۋعا مۇمكىندىك بەرەدى.

بۇدان بولەك, ەەك-ءتىڭ قاراۋىندا الماتى وبلىسىندا سەندۆيچ-پانەل ءوندىرۋ جوباسى بار. ول جۇمىس ىستەپ تۇرعان جوعارى تەحنولوگيالىق زاۋىتتى جاڭعىرتۋعا ارنالعان جانە ماتەريال جەتكىزۋ مەن قۇرىلىس جۇمىستارىن ورىندايتىن رەسەي مەن قىرعىزستان كاسىپورىندارىمەن كووپەراتسيادا ىسكە اسىرىلىپ جاتىر. جوبا كەمىندە 30 جاڭا جۇمىس ورنىن قۇرىپ, وندىرىستىك قۋاتتى كۇشەيتەدى.

سوڭعى 7 جىلدا ەلىمىزدەگى اۋىل شارۋاشىلىعى ءوندىرىسىنىڭ كولەمى ەكى ەسە ارتتى

تاراپتار اگروونەركاسىپتىك كەشەندەگى قارجىلىق قولداۋ تەتىگىن تاراتۋ ماسەلەسىنە ەرەكشە نازار اۋداردى. قازاقستان تاراپىنان اۋىل شارۋاشىلىعى مينيسترلىگى اوك سالاسىنداعى بىرلەسكەن كووپەراتسيالىق جوبالارعا قارجىلىق قولداۋعا قاتىستى 2014 جىلعى 29 مامىرداعى ەاەو تۋرالى شارتقا وزگەرىستەر ەنگىزۋ تۋرالى حاتتاما جوباسىنا قول قويۋ ءۇشىن قاجەتتى مەملەكەتىشىلىك راسىمدەردى جۇرگىزەدى.

سەرىك جۇمانعارين تەرى مەن ءجۇندى قايتا وڭدەۋ, اۋىل شارۋاشىلىعى ءونىمىن كەڭىنەن وڭدەۋ, سونداي-اق قازاقستاندا يمپورتتىڭ جوعارى ۇلەسى بار تاۋارلاردى ءوندىرۋ سالاسىنداعى بىرلەسكەن جوبالاردى باسىمدىقپەن دامىتۋ قاجەتتىگىن اتاپ ءوتتى.

اۋىل شارۋاشىلىعى ءونىمىن قايتا وڭدەۋ ۇلەسى جىل سوڭىنا دەيىن 70%-عا جەتەدى