مەملەكەت باسشىسى قاسىم-جومارت توقاەۆ 2026 جىلدى تسيفرلاندىرۋ جانە جاساندى ينتەللەكت جىلى دەپ جاريالاپ, ەكونوميكا مەن قوعام دامۋىنداعى نەگىزگى فاكتوردى ايقىندادى. ا.س. پۋشكين اتىنداعى وبلىستىق كىتاپحاناسى دا بەلسەندىلىك تانىتىپ جاتىر. بۇل جولى كىتاپحانا «جي-كومپلەكتاتور» جوباسىن ىسكە قوستى, دەپ حابارلايدى Egemen.kz.
جاساندى ينتەللەكت نەگىزىندەگى «جي-كومپلەكتور» ينتەللەكتۋالدى قوسىمشاسى كىتاپحاناعا كەلىپ تۇسكەن جاڭا كىتاپتاردى وڭدەۋ بويىنشا جۇمىستىڭ تيىمدىلىگىن ونداعان ەسە ارتتىرۋعا مۇمكىندىك بەرەدى. «جي-كومپلەكتور» قولدانىستاعى يربيس كىتاپحانالىق-اقپاراتتىق جۇيەسىنە كىرىكتىرىلگەن. سونىڭ ارقاسىندا جاڭا تۇسىمدەر ەلەكتروندىق كاتالوگتا جەدەل كورىنىس تاۋىپ, وقىرمانعا بۇرىنعىعا قاراعاندا بىرنەشە ەسە جىلدام قولجەتىمدى بولادى. كىتاپحانانىڭ تەحنولوگيالىق يننوۆاتسياسىنىڭ تاعى ءبىر قۇندىلىعى – كاسىبي سالاداعى مامانداندىرىلعان كادرلاردىڭ تاپشىلىعى ماسەلەلەرىن قالاي شەشۋگە بولاتىندىعىن كورسەتەدى.
جاساندى ينتەللەكت جانە كيبەرشابۋىل: ديپفەيكتى شىنايى بەينەدەن قالاي اجىراتۋعا بولادى؟
وسىلايشا, ا.س. پۋشكين اتىنداعى شىعىس قازاقستان وبلىستىق كىتاپحاناسى قازاقستانداعى كاسىبي سالادا جاساندى ينتەللەكت بازاسىندا ساپالى جاڭا تەحنولوگيالىق يننوۆاتسيالاردى ۇسىناتىن ازىرشە جالعىز كىتاپحانا. وتكەن جىلى «DosAI» نەيرو-اسسيستەنتىن قولدانىسقا ەنگىزسە, بيىل «جي-كومپلەكتور» جاڭا شەشىمىن ۇسىندى.
استانادا قۇرىلىس بارىسىن جاساندى ينتەللەكت باقىلايدى
ا.س. پۋشكين اتىنداعى شىعىس قازاقستان وبلىستىق كىتاپحاناسىنىڭ بۇل جوبالارى قازاقستاننىڭ كىتاپحانا سالاسىندا جاساندى ينتەللەكتتى قولدانۋ بويىنشا ازىرشە جالعىز سەرپىندى شەشىم.