پارلامەنت سەناتى الەۋمەتتىك-مادەني دامۋ جانە عىلىم كوميتەتى اقتاۋ قالاسىندا كوشپەلى وتىرىس وتكىزدى. وتىرىس بارىسىندا ەلىمىزدىڭ جاڭا ەكونوميكالىق ساياساتىن ىسكە اسىرۋ اياسىندا ماڭعىستاۋ وبلىسىندا بيزنەستىڭ الەۋمەتتىك جاۋاپتىلىعىن دامىتۋ مەن ونى جەتىلدىرۋ شارالارى جانە ونى قۇقىقتىق تۇرعىدا قامتاماسىز ەتۋ ماسەلەلەرى تالقىلاندى.
وتىرىستى اشا كەلىپ, كوميتەت توراعاسى اقان بيجانوۆ قازىرگى كەزدە بيزنەس پەن كاسىپكەرلىكتىڭ قوعامداعى ءرولى تەك ماتەريالدىق قۇندىلىقتار جاساۋ جانە كىرىس الۋمەن شەكتەلمەيتىنىن اتاپ ءوتتى. بيزنەس وكىلدەرى جاڭا جۇمىس ورىندارىن اشۋعا, ەڭبەك جاعدايىن جاقسارتۋعا جانە ايماقتارداعى الەۋمەتتىك-مادەني ماسەلەلەردى شەشۋگە قاتىسۋعا الەۋمەتتىك مىندەتتەردى الىپ وتىر. «ەگەر دە بيزنەس وركەنيەتتى بولسا, وندا مەملەكەتتىڭ الەۋمەتتىك ومىردەگى ىنتىماقتاستىق اياسى دا اۋقىمدى بولادى», – دەدى سەناتور. بۇل ۇدەرىس بيزنەستىڭ الەۋمەتتىك جاۋاپتىلىعى جونىندەگى جەزقازعانداعى رەسپۋبليكالىق فورۋمدا قوعامدى دامىتۋدىڭ اۋقىمدى مىندەتتەرىن شەشۋدەگى مەملەكەت باسشىسى بەلگىلەگەن كاسىپكەرلىكتىڭ ساپالىق تۇرعىداعى جاڭا مەجەسىنەن باستاۋ العانى اتاپ ءوتىلدى. ماڭعىستاۋ وبلىسىنىڭ اكىمى ا.ايدارباەۆ كەزدەسۋگە قاتىسۋشىلاردى حالىقتى جۇمىسپەن قامتۋ, شاعىن جانە ورتا بيزنەستى دامىتۋ, سونداي-اق, ايماقتاعى الەۋمەتتىك-ەكونوميكالىق وركەندەۋ ماسەلەلەرى بويىنشا اتقارىلعان جۇمىستار تۋرالى حاباردار ەتتى. ماڭعىستاۋ وبلىسىنىڭ اۋماعىندا جۇمىس ىستەيتىن جەر قويناۋىن پايدالانۋشى كومپانيالار ايماقتى الەۋمەتتىك-ەكونوميكالىق دامىتۋعا باعىتتالعان ستراتەگيالىق جوسپارلاردى ىسكە اسىرۋعا بەلسەندى قاتىسىپ كەلە جاتقانى, كەلىسىمشارت مىندەتتەمەلەرى اياسىندا الەۋمەتتىك ينفراقۇرىلىم جوبالارىن ىسكە اسىرۋعا قارجى ءبولۋ, ايماقتاعى بيزنەستىڭ كورپوراتيۆتىك جاۋاپكەرشىلىگىن دامىتۋ جانە وسى سالادا تۋىنداعان وزەكتى ماسەلەلەر تۋرالى ماڭعىستاۋ وبلىسى اكىمىنىڭ ورىنباسارى ش.ىلمۇحامبەتوۆا ەگجەي-تەگجەيلى باياندادى. سەناتور س.بەكتۇرعانوۆ الەۋمەتتىك ارىپتەستىك پەن بيزنەستى دامىتۋ سالاسىنداعى دەپۋتاتتاردىڭ زاڭ شىعارۋ قىزمەتى تۋرالى اڭگىمەلەدى. سونداي-اق, دەنساۋلىق ساقتاۋ جانە الەۋمەتتىك دامۋ مينيسترىنىڭ ورىنباسارى د.ارعىندىقوۆ, ماڭعىستاۋ وبلىسىنداعى كاسىپكەرلەر پالاتاسى ديرەكتورىنىڭ ورىنباسارى گ. قالامقالي, «ۆولنا» اكف جشس ديرەكتورى ن.كاراس, «ماڭعىستاۋمۇنايگاز» اق باس ديرەكتورىنىڭ ورىنباسارى ج.تولەعوجاەۆ جانە بيزنەس قاۋىمداستىقتارى مەن جۇرتشىلىق وكىلدەرى ءسوز سويلەدى. كوشپەلى وتىرىس بارىسىندا سەناتورلار «CASPI BITUM» بك جشس, «كاسپي» تۇششىتۋ زاۋىتى» جشس, «Kazakh Osseter» عوك» جشس سەكىلدى بىرقاتار كاسىپورىنداردا بولدى جانە قازاق-تۇرىك ليتسەيىندەگى وقۋ ۇدەرىستەرىمەن تانىستى, دەپ حابارلادى پارلامەنت سەناتىنىڭ ءباسپاسوز قىزمەتى.