كەشە ومبىدا قازاقستان رەسپۋبليكاسى پارلامەنتى سەناتى مەن رەسەي فەدەراتسياسى فەدەرالدىق جينالىسى فەدەراتسيا كەڭەسى اراسىنداعى ىنتىماقتاستىق جونىندەگى كوميسسيانىڭ جەتىنشى وتىرىسى بولدى. كوميسسيا جۇمىسىنا پارلامەنت سەناتى توراعاسىنىڭ ورىنباسارى قايرات يششانوۆ باستاعان قازاقستاندىق دەلەگاتسيا قاتىستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
وتىرىستى قازاقستاندىق تاراپتان كوميسسيانىڭ تەڭ توراعاسى, قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى قايرات يششانوۆ جانە كوميسسيانىڭ رەسەيلىك تاراپتان تەڭ توراعاسى, رەسەي فەدەراتسياسى فەدەرالدىق جينالىسى فەدەراتسيا كەڭەسى توراعاسىنىڭ ورىنباسارى يلياس ۋماحانوۆ اشتى.
وتىرىستى اشا كەلىپ, ق.يششانوۆ رەسەي فەدەراتسياسىنىڭ ىرگەلەس ايماقتارى مەن قازاقستان وبلىستارىنىڭ شەكارا ماڭىنداعى ىنتىماقتاستىعى ورنىقتى ەكونوميكالىق ءوسىمدى, حالىقتىڭ ءال-اۋقاتىنىڭ جاقسارۋىن, ينۆەستيتسيانىڭ تارتىلۋىن, جۇمىس ورىندارىنىڭ اشىلۋىن, الەۋمەتتىك جانە مادەني دامۋدى قامتاماسىز ەتۋدە ماڭىزدى ستراتەگيالىق باعىت بولىپ تابىلاتىنىن اتاپ ءوتتى. «وسىنداي جان-جاقتى دامۋعا پارلامەنتارالىق ءىس-قيمىل وڭ ىقپال ەتەدى», – دەپ اتاپ ءوتتى سەنات توراعاسىنىڭ ورىنباسارى.
كوميسسيا وتىرىسى بارىسىندا ءبىرتۇتاس ەكونوميكالىق كەڭىستىك اياسىندا قازاقستان رەسپۋبليكاسى مەن رەسەي فەدەراتسياسىنىڭ شەكارا ماڭىنداعى ايماقتارىن وركەندەتۋ, قازاقستان مەن رەسەيدىڭ شەكارا ماڭىنداعى سۋبەكتىلەرىندە قازاق جانە ورىس تىلدەرىن دامىتۋ, تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىندا «ينجينيرينگ قىزمەتى جانە ينجينيرينگ تۋرالى», سونداي-اق, «ينجەنەرلىك ءىس تۋرالى» ۇلگى زاڭنامالىق اكتىلەرىن ازىرلەۋ, 1941 – 1945 جىلدارداعى ۇلى وتان سوعىسىنداعى جەڭىستىڭ 70 جىلدىعىن مەرەكەلەۋگە ارنالعان شارالارعا قازاقستان مەن رەسەي پارلامەنتشىلەرىنىڭ قاتىسۋى تۋرالى ماسەلەلەر قارالدى.
كوميسسيا وتىرىسىنا سەناتورلار س.پلوتنيكوۆ, ج.نۇرعاليەۆ, م.التىنباەۆ, س.ءبىلالوۆ, س.جاقسىبەكوۆ, س.ەرشوۆ جانە م.كوبەنوۆ قاتىستى.
وتىرىس قورىتىندىسى بويىنشا ايتىلعان پىكىرلەردى ەسەپكە الا وتىرىپ, كوميسسيا حاتتاما قابىلدايتىن بولادى. قازاقستان رەسپۋبليكاسى پارلامەنتى سەناتى مەن رەسەي فەدەراتسياسى فەدەرالدىق جينالىسى فەدەراتسيا كەڭەسى اراسىنداعى ىنتىماقتاستىق ءجونىندەگى كوميسسيا ەكى ەلدىڭ زاڭ شىعارۋ ورگاندارىنىڭ جوعارعى پالاتالارى اراسىنداعى ىنتىماقتاستىق جونىندەگى كەلىسىم اياسىندا قىزمەت ەتەدى.
كوميسسيانىڭ كەزەكتى سەگىزىنشى وتىرىسىن قازاقستاندا وتكىزۋ جوسپارلاندى.