ەلباسى نۇرسۇلتان نازارباەۆ ماسكەۋدە ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ اياسىندا بىرقاتار ەكىجاقتى كەزدەسۋلەر وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
بۇۇ باس حاتشىسى پان گي مۋنمەن كەزدەسۋ بارىسىندا ىنتىماقتاستىقتىڭ نەگىزگى باعىتتارى, ونى ءارى قاراي جانداندىرۋ مۇمكىندىكتەرى, سونداي-اق, ءتۇرلى سالالارداعى بىرلەسكەن جوبالاردى جۇزەگە اسىرۋ ماسەلەلەرى تالقىلاندى.
* * *
ازەربايجان رەسپۋبليكاسىنىڭ پرەزيدەنتى يلحام اليەۆپەن كەزدەسۋ بارىسىندا ەكى ەلدىڭ ساۋدا-ەكونوميكا, ينۆەستيتسيا جانە كولىك-ترانزيت سالالارىنداعى ءوزارا ىقپالداستىقتىڭ نەگىزگى جايتتارى تۋرالى ءسوز قوزعالدى.
مەملەكەت باسشىلارى وڭىرلىك جانە حالىقارالىق كۇن تارتىبىندەگى وزەكتى ءماسەلەلەر جونىندە دە پىكىر الماستى.
* * *
قازاقستان پرەزيدەنتى نۇرسۇلتان نازارباەۆ پەن ۆەنەسۋەلا بوليۆاريان رەسپۋبليكاسىنىڭ پرەزيدەنتى نيكولاس مادۋرو ەكىجاقتى ساۋدا-ەكونوميكالىق ىنتىماقتاستىق ماسەلەلەرىن, سونداي-اق, وسى بايلانىستاردى كەڭەيتۋدىڭ كەلەشەگىن تالقىلادى.
* * *
موڭعوليا پرەزيدەنتى تساحياگين ەلبەگدورجپەن كەزدەسۋ بارىسىندا ساۋدا-ەكونوميكا سالاسىنداعى ەكىجاقتى ىقپالداستىقتىڭ قازىرگى احۋالى مەن كەلەشەگى قاراستىرىلدى.
مەملەكەت باسشىلارى حالىقارالىق كۇن تارتىبىندەگى مەيلىنشە وزەكتى ماسەلەلەر تۋرالى پىكىر الماستى.
* * *
قازاقستان پرەزيدەنتى نۇرسۇلتان نازارباەۆ پەن كۋبا رەسپۋبليكاسىنىڭ مەملەكەتتىك كەڭەسى مەن مينيسترلەر كەڭەسىنىڭ توراعاسى راۋل كاسترو ەكى ەلدىڭ ءتۇرلى سالاداعى ءوزارا ىقپالداستىعىن نىعايتۋدىڭ نەگىزگى اسپەكتىلەرىن قاراستىردى.
* * *
سەربيا رەسپۋبليكاسىنىڭ پرەزيدەنتى توميسلاۆ نيكوليچپەن كەزدەسۋدە ساۋدا-ەكونوميكالىق ىنتىماقتاستىقتى ءارى قاراي دامىتۋدىڭ نەگىزگى باعىتتارى, سونداي-اق, ەكى ەلدىڭ حالىقارالىق ۇيىمدار اياسىنداعى ءوزارا ءىس-قيمىلدارى تالقىلاندى.
سونىمەن قاتار, حالىقارالىق كۇن ءتارتىبىندەگى وزەكتى ماسەلەلەر جونىندە پىكىر الماسىلدى.
* * *
چەح رەسپۋبليكاسىنىڭ پرەزيدەنتى ميلوش زەمانمەن اڭگىمەدە چەحيا كوشباسشىسىنىڭ قازاقستانعا بىلتىرعى ساپارى كەزىندە جاسالعان ۋاعدالاستىقتاردىڭ جۇزەگە اسىرىلۋ بارىسى ءسوز بولدى.
ەكى مەملەكەتتىڭ كوشباسشىلارى قارىم-قاتىناستاردىڭ جۇيەلى دامۋ سيپاتىن اتاي كەلە, ودان ءارى كەڭەيە بەرەتىنىنە ءۇمىت ءبىلدىردى.
* * *
وڭتۇستىك افريكا رەسپۋبليكاسىنىڭ پرەزيدەنتى دجەيكوب زۋمامەن كەزدەسۋدە ساياسي جانە ساۋدا-ەكونوميكالىق سالالارداعى ءوزارا ىقپالداستىقتى نىعايتۋ ماسەلەلەرى قاراستىرىلدى.
تاراپتار, سونداي-اق, بىرقاتار پەرسپەكتيۆالى سالالار بويىنشا, ونىڭ ىشىندە حالىقارالىق ۇيىمدار اياسىنداعى ىنتىماقتاستىقتى كەڭەيتۋدىڭ قاجەتتىگىن اتاپ ءوتتى.