ەلباسى نۇرسۇلتان نازارباەۆ يران پرەزيدەنتى حاسان رۋحانيمەن تەلەفون ارقىلى سويلەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى. ح.رۋحاني مەملەكەت باسشىسىن پرەزيدەنتتىك سايلاۋداعى جەڭىسىمەن جانە قىزمەتىنە كىرىسۋىنە بايلانىستى قۇتتىقتادى. اڭگىمەلەسۋ بارىسىندا ەكى مەملەكەت كوشباسشىلارى قازاقستان-يران سەرىكتەستىگىنىڭ باسىمدىعى بار باعىتتارىن تالقىلادى. تاراپتار حالىقارالىق ۇيىمدار اياسىنداعى ساياسي ۇنقاتىسۋ مەن جەمىستى ءوزارا ءىس-قيمىلدىڭ جوعارى دەڭگەيىن اتاپ ءوتتى. بۇدان بولەك, ساۋدا-ەكونوميكالىق جانە ينۆەستيتسيالىق ىنتىماقتاستىق اياسىن ودان ءارى كەڭەيتۋ ماسەلەلەرى جونىندە پىكىر الماسىلدى. يران پرەزيدەنتى ەلدەرىمىزدىڭ اراسىنداعى سان عاسىرلىق دوستىق پەن ءوزارا ءتيىمدى ىنتىماقتاستىققا نەگىزدەلگەن قارىم-قاتىناس الدا دا قازاقستان مەن يراننىڭ دوستاس حالىقتارىنىڭ مۇددەسىنە يگى قىزمەت ەتە بەرەتىنىنە سەنىم ءبىلدىردى.
•
13 مامىر, 2015
تەلەفون ارقىلى سويلەستى
230 رەت
كورسەتىلدى