قوستاناي قالاسىندا سوڭعى كەزدەرى ادام جوعالۋ توقتالماي تۇر.
وسىدان ءبىر جارىم ايداي بۇرىن جوعالىپ كەتكەن قىزدىڭ دەنەسى توبىل وزەنىنەن تابىلدى. تاعى ەكى جاستى ىزدەستىرۋ جالعاسۋدا. جاقىن كۇندەرى تاعى دا ءبىر قىز, ءبىر جىگىت جوعالىپ كەتتى. بۇل تۋرالى egemen.kz ءتىلشىسى حابارلادى.
مامىر ايىنىڭ باس كەزىندە سارىكول اۋدانىندا دميتري كوجەۆنيكوۆ دەگەن جاس جىگىت حابارسىز كەتكەن. تۋىستارىنىڭ ايتۋىنشا, 25 جاستاعى جىگىت ىشىمدىك ىشپەيدى, تەمەكى شەكپەيدى. ۇيىنەن شىعىپ كەتكەن, سول كۇيى ورالماعان. ونىڭ الدىندا عانا, 1 مامىر كۇنى جىتىقارا اۋدانىندا 17 جاسار نينا ستافەەۆا دەگەن قىز بالا دا ۇشتى-كۇيلى جوعالعان. وسى اۋدانداعى چايكوۆسكي اۋىلىنىڭ جاس جىگىتتەرىمەن ورمانعا سەرۋەندەۋگە بارعان قىز قايتىپ ۇيىنە ورالماعان. جانىنداعى جىگىتتەردىڭ ايتۋىنشا, ءتۇن ورتاسى اۋا قىز توبىنان ءبولىنىپ كەتكەن, سول كۇيى جوق. قازىر بۇل ەكى ادامنىڭ دا دەرەگى تابىلماي وتىر. مۇنىڭ الدىندا جوعالعان ءجاسوسپىرىم ارلان ءجۇسىپوۆ پەن سۆەتلانا كيششەنكونى ىزدەستىرۋ جۇمىستارى جالعاسۋدا.
ءنازيرا جارىمبەتوۆا.
دەرەك, سۋرەت: egemen.kz