استانا. 12 مامىر. حوككەيدەن چەحيادا ءوتىپ جاتقان الەم چەمپيوناتىندا توپتىق كەزەڭ باسەكەلەرى ناعىز شارىقتاۋ شەگىنە جەتتى. ازۋلى قۇرامالار پلەي-وفف ساتىسىندا وڭتايلى قارسىلاسقا جولىعۋ ماقساتىندا بىلەك سىبانسا, كەيبىر كوماندالار ەليتالىق ديۆيزيوندا قالۋ ءۇشىن تەر توگۋدە. كەشە توپتىق كەزەڭ اياسىنداعى تاعى 4 ويىننىڭ ناتيجەسى بەلگىلى بولدى. بۇل تۋرالى egemen.kz حابارلادى.
اتالعان ماتچتاردىڭ ىشىنەن جانكۇيەرلەر فينليانديا مەن بەلارۋس اراسىنداعى ويىنعا ەرەكشە نازار اۋداردى. سەبەبى, جەڭگەن كوماندانىڭ توپتا جوعارى ورىن الۋ مۇمكىندىگى ارتادى. ال ءوز توبىندا نەعۇرلىم جوعارى ورىن العان كوماندانىڭ پلەي-وفف كەزەڭىندە كەلەسى توپتاعى كورسەتكىشى تومەن قارسىلاسقا تاپ بولاتىنى بەلگىلى.
جالپى, جارىستى ءار توپتان العاشقى ءتورت ورىندى يەمدەنگەن 8 كوماندا شىعاتىنىن ايتا كەتەيىك. قازىردىڭ وزىندە 7 قۇراما بەلگىلى بولدى. توپتىق كەزەڭ اياسىنداعى بۇگىن بولاتىن سوڭعى ويىنداردىڭ ناتيجەسىنە قاراماستان, «ا» توبىنان كانادا, شۆەتسيا, چەحيا جانە شۆەيتساريا قۇرامالارى جارىستى جالعاستىرادى. ال «ۆ» توبىنان ازىرگە اقش, رەسەي جانە فينليانديا حوككەيشىلەرى پلەي-وفف باسەكەسىنە جولداما الدى.
11 مامىردا بولعان ويىنداردىڭ ناتيجەلەرى:
«ا» توبى
گەرمانيا – اۆستريا 2:3 (بۋلليتپەن) (0:0, 0:1, 2:1, 0:0, 0:1);
شۆەتسيا – فرانتسيا 4:2 (1:0, 1:2, 2:0).
«ۆ» توبى
فينليانديا – بەلارۋس 3:2 (0:0, 0:0, 2:2, 0:0, 1:0);
سلوۆەنيا – دانيا 1:0 (1:0, 0:0, 0:0).
بۇگىنگە دەيىنگى ويىنداردىڭ ناتيجەسى بويىنشا تۋرنير كەستەسى.
بۇگىن توپتىق كەزەڭنىڭ سوڭعى ويىندارى وتەدى.
«ا» توبى
كانادا – اۆستريا;
لاتۆيا – فرانتسيا;
چەحيا – شۆەيتساريا.
«ۆ» توبى
نورۆەگيا – بەلارۋس;
اقش – سلوۆاكيا;
فينليانديا – رەسەي.
ەلامان قوڭىر.
دەرەك: egemen.kz.
سۋرەت: championat.com.