استانا. 11 مامىر. قىزىلوردا وبلىسى, قازالى اۋدانىندا ۇلى جەڭىستىڭ 70 جىلدىعىنا وراي اۋدان ورتالىعى ايتەكە بي كەنتىندە Tour de Qazaly ۆەلومارافونى ءوتتى. وعان 80-نەن استام ەرىكتى قاتىستى. بۇل تۋرالى egemen.kz حابارلادى.
ايتەكە بي-باسىقارا-ايتەكە بي باعىتىندا وتكىزىلگەن سايىستا 15-تەگى جەتكىنشەكتەن جاسى كەلگەن قارياعا دەيىن باق سىنادى. جارىس جولىنىڭ ۇزاقتىعى 45 شاقىرىمدى قۇرادى.
ايتەكە بي كەنتى اكىمدىگىنىڭ قولداۋىمەن «زاڭ زاڭعارى» جاۋاپكەرشىلىگى شەكتەۋلى سەرىكتەستىگىنىڭ جۇلدەسى ءۇشىن ۇيىمداستىرىلعان شارانىڭ ماقساتى – سالاۋاتتى ءومىر سالتىن ناسيحاتتاۋ, حالىقتى سپورتپەن بەلسەندى اينالىسۋعا تارتۋ.
جارىس قورىتىندىسى بويىنشا ستۋدەنت جانبولات ءسادۋ قارسىلاستارىن شاڭ قاپتىرىپ, ءبىرىنشى ورىندى يەمدەندى. سوعان سايكەس, 50 مىڭ تەڭگە اقشالاي سىيلىقتى قانجىعاسىنا بايلادى. ال 2-ورىندى №249 مەكتەپ-ليتسەي وقۋشىسى داۋرەن بەكەت السا, ۇزدىك ۇشتىكتى باعدات ابيكەنوۆ تۇيىندەدى. جەڭىمپازدارعا قارجىلاي سىيلىقتار تابىستالدى.
بۇدان بولەك 10 سپورتشىعا ارنايى ديپلوم مەن «التىن وردا» فيتنەس-كلۋبىنا 12 رەت تەگىن كىرۋگە سەرتيفيكات تابىستالدى. سونداي-اق, جانسەيىت تاسبولاتقا 2016 جىلى الماتى قالاسىندا وتەتىن ۆەلومارافونعا جولداما تابىس ەتىلدى. ال ەرلەردەن قالىسپاي جارىسقا تۇسكەن اسەم اتتى قىز بالا ارنايى جۇلدەگە يە بولدى.
ەلامان قوڭىر.
دەرەك, سۋرەت: egemen.kz.