استانا. 11 مامىر. قازاقستاندىق تەننيسشى ياروسلاۆا شۆەدوۆا مادريدتە وتكەن WTA ءتۋرنيرىنىڭ جۇپتىق باسەكەسىندە جەڭىمپاز اتاندى. ول بۇل سايىستا اۆستراليا سپورتشىسى كەيسي دەللاكۋامەن جۇپ قۇراپ, سىنعا تۇسكەن ەدى. بۇل تۋرالى egemen.kz حابارلادى.
فينالدىق ويىندا شۆەدوۆا-دەللاكۋا جۇبى كورت يەلەرى گاربينە مۋگۋرۋسا جانە كارلا سۋارەس-ناۆاررومەن كۇش سىناستى. 1 ساعات 39 مينۋتقا سوزىلعان ويىندا شۆەدوۆا مەن دەللاكۋا قارسىلاستارىنان 2:1 (6:3, 6:7 (4:7), 10:5) ەسەبىمەن باسىم ءتۇستى.
كەيسي دەللاكۋا ءۇشىن بۇل – جۇپتىق باسەكەدەگى 4-ءشى جەڭىس. ال شۆەدوۆا بۇگىنگە دەيىن 11 مارتە جۇپتاسىپ ونەر كورسەتۋدە جارىس جەڭىمپازى اتاندى. سونىڭ ەكەۋى «ۇلكەن دۋلىعا» تۋرنيرىندە تىركەلدى (ۋيمبلدون, 2010 ج., اقش اشىق بىرىنشىلىگى, 2010 ج.).
مادريدتەگى سايىس توپىراق توسەنىشتە وتكەنىن ايتا كەتەيىك. سونداي-اق, ءتۋرنيردىڭ جۇلدە قورى 4,2 ميلليون اقش دوللارىن قۇرادى.
ەلامان قوڭىر.
دەرەك: egemen.kz.
سۋرەت: itftennis.com.