استانا. 11 مامىر. چەحيادا حوككەيدەن الەم چەمپيوناتى ءوتىپ جاتقانى بەلگىلى. ازىرگە توپتىق كەزەڭ باسەكەلەرى وتۋدە. كەشە تۇندە تاعى 4 كەزدەسۋدىڭ ناتيجەسى بەلگىلى بولدى. بۇل تۋرالى egemen.kz حابارلادى.
چەمپيوندىقتان باستى ۇمىتكەر كانادا قاتارىنان التىنشى رەت جەڭىسكە جەتتى. سونداي-اق, اتالعان قۇرامانىڭ نەگىزگى قارسىلاستارى اقش پەن رەسەي دە ءوز ويىندارىن جەڭىسپەن اياقتادى. الەم چەمپيوناتىنىڭ جۇلدەسىنەن ۇمىتكەرلەردىڭ ءبىرى, جارىستى ۇيىمداستىرۋشى ەل – چەحيا دا كەزەكتى ءۇش ۇپايىنا قول جەتكىزدى.
سونىمەن 10 مامىردا وتكەن ويىنداردىڭ ناتيجەلەرى تومەندەگىدەي:
«ا» توبى:
گەرمانيا – چەحيا 2:4 (1:1, 1:2, 0:1);
شۆەيتساريا – كانادا 2:7 (1:2, 0:3, 1:2).
«ۆ» توبى:
سلوۆەنيا – اقش 1:3 (0:2, 1:0, 0:1);
سلوۆاكيا – رەسەي 2:3 (وۆەرتايم) (1:0, 0:1, 1:1, 0:1).
وسى ويىننان كەيىن كانادا 18 ۇپايمەن «ا» توبىنداعى كوشباسشىلىعىن ودان ءارى نىعايتا ءتۇستى. ەكىنشى جانە ءۇشىنشى ورىنداردا كەلە جاتقان شۆەتسيا مەن چەحيانىڭ ەنشىسىندە 13 ۇپايدان بار. ال پلەي-وفف باسەكەسىنە وتۋگە مۇمكىندىك بەرەتىن 4-ساتىدا ازىرگە 9 ۇپايى بار شۆەيتساريا كەلەدى.
«ۆ» توبىنداعى جاعدايعا كەلسەك, كەشەگى ويىننان كەيىن اقش 15 ۇپايمەن جەكە-دارا كوش باستادى. ال قارسىلاسىن وۆەرتايمدا جەڭگەنى ءۇشىن ءبىر ۇپاي جوعالتقان رەسەي 14 ۇپايمەن ەكىنشى ورىنعا جايعاستى. ءۇشىنشى جانە ءتورتىنشى ورىنداردا فينليانديا (12 ۇپاي) مەن بەلارۋس (10 ۇپاي) كەلەدى. بۇل ەكى قۇراما بۇگىن ءوزارا كۇش سىناسادى.
بۇگىن بولاتىن ويىندار كەستەسى:
«ا» توبى:
گەرمانيا – اۆستريا;
شۆەتسيا – فرانتسيا.
«ۆ» توبى:
فينليانديا – بەلارۋس;
سلوۆەنيا – دانيا.
چەحياداعى الەمدىك دودا 17 مامىردا اياقتالاتىنىن ەستەرىڭىزگە سالا كەتەيىك.
ەلامان قوڭىر.
دەرەك: egemen.kz.
سۋرەت: championat.com.