دزيۋدو. رۋستام ىبىراەۆ – «ۇلكەن دۋلىعا» ءتۋرنيرىنىڭ جەڭىمپازى!

استانا. 9 مامىر. ازەربايجان استاناسى – باكۋدە ءوتىپ جاتقان دزيۋدودان «ۇلكەن دۋلىعا» تۋرنيرىندە قازاق پالۋانى رۋستام ىبىراەۆ (60 كگ.) جەڭىمپاز اتاندى. بۇل تۋرالى KazSport تەلەارناسى حابارلادى. رۋستام العاشقى بەلدەسۋىندە شۆەيتساريالىق ليۋدوۆيك ءچامارتيندى, ال كەلەسى كەزدەسۋدە اۆستراليالىق ليۋدۆيگ پايشەردى جەڭدى. شيرەك فينالدا ول ازەربايجاننىڭ بەلگىلى پالۋانى, الەم چەمپيوناتىنىڭ قولا جۇلدەگەرى, الەمدىك رەيتينگتە ءۇشىنشى تۇرعان ورحان سافاروۆتان باسىم ءتۇستى. فينال جولداماسىنا تالاستا رۋستام گەرمانيا سەنىم ارتقان توبياس ەنگلمايەردى جەڭدى. ال شەشۋشى سىندا فرانتسيا سپورتشىسى ۆينسەنت ليماردى ۇتتى. رۋستام ىبىراەۆ بىلتىر «ۇلكەن دۋلىعا» تۋرنيرىندە قولا جۇلدەگە قول جەتكىزگەن ەدى. باكۋدەگى سايىس 8 مامىردا باستالعانىن ايتا كەتەيىك. سوڭعى بەلدەسۋلەر 10 مامىردا وتەدى. KazSport تەلەارناسى اتالعان سايىستى تىكەلەي ەفيردە كورسەتۋدە. ەلامان قوڭىر. دەرەك, سۋرەت: KazSport تەلەارناسى.