شىمكەنت قىىب جەدەل باسقارۋ ورتالىعىنىڭ كەزەكشى بولىمىنە «تويوتا كامري» اۆتوكولىگىنە تاپانشاسى بار, ءوزى ماس جۇرگىزۋشىنىڭ رولگە وتىرىپ, جىبەك جولى كوشەسىندە كەتىپ بارا جاتقاندىعى تۋرالى حابارلاما ءتۇستى.
پوليتسيا ناريادى ىسكە كىرىسكەن. سىرتتاي باقىلاۋ بەينەكامەرالارىنىڭ كومەگىمەن رىسقۇلوۆ پەن جىبەك جولى كوشەلەرىنىڭ قيىلىسىندا تۇرعان ماشيناعا جەتىپ, ماس جۇرگىزۋشىنى ۇستاعان. الماتى قالاسىنىڭ تۇرعىنى ەكەن.
وسى ءجايت بويىنشا قر قك-ءنىڭ 287-بابى «قارۋدى, وق دارىلەردى جارىلعىش زاتتاردى جانە جارىلعىش قۇرىلعىلارىن زاڭسىز يەمدەنۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» جانە قر اقبتك-ءنىڭ 608-بابى «كولىك قۇرالىن ماس كۇيىندە جۇرگىزگەنى» بويىنشا قىلمىستىق ىستەر قوزعالدى. ايعاقتى زات رەتىندە تاپانشا تاركىلەنىپ الىندى.
تەرگەۋ بارىسىندا ۇستالعان ازاماتتىڭ بۇرىن-سوڭدى جول ءجۇرۋ ەرەجەسىن بۇزعانى ءۇشىن جۇرگىزۋشى كۋالىگىنەن ايىرىلعانى بەلگىلى بولدى. قازىر سوتقا دەيىنگى تەرگەۋ جۇمىستارى جۇرگىزىلۋدە.
تراۆماتيكالىق جانە گازدى تاپانشامەن قارۋلانعان ازاماتتاردىڭ جانجال بارىسىندا وق اتۋىنان قايعىلى وقيعالار كوبەيىپ كەتتى. ال ماس جۇرگىزۋشىنىڭ قولىندا تاپانشا بولۋى قانداي وقيعاعا ۇلاسارى بەلگىسىز ەدى.
باقتيار تايجان,
«ەگەمەن قازاقستان».
شىمكەنت.