ۇلى جەڭىس كۇنى قارساڭىندا قازاقستاننىڭ رەسەيدەگى ەلشىسى مارات ءتاجين سوعىس جانە ەڭبەك ارداگەرلەرىمەن كەزدەسۋ وتكىزدى.
ەلشى ارداگەرلەردى كەلە جاتقان مەرەيتويمەن قۇتتىقتاپ, بارلىق ۇلى وتان سوعىسىنا قاتىسۋشىلارعا زور العىسىن ايتتى.
– وسىدان 70 جىل بۇرىن ءبىر-بىرىنە دوس بولعان سول كەزدەگى ءبىر مەملەكەتتىڭ حالىقتارى قاۋىپ توندىرگەن جانە باسقىنشىلىق شابۋىل ۇيىمداستىرعان ءفاشيزمدى توقتاتتى, – دەدى ەلشى جانە ەكىنشى دۇنيەجۇزىلىك سوعىستىڭ تاريحىن قايتا قاراۋدان ساق بولۋ كەرەك ەكەنىن ەسكەرتتى.
ەلشىنىڭ پىكىرىنشە, كەڭەس وداعىنان كەيىنگى كەڭىستىكتەگى ءار وتباسى ۇلى وتان سوعىسىنان زارداپ شەكتى, سوندىقتان بۇل سوعىس اركىمنىڭ تاعدىرىندا ايتارلىقتاي ءىز قالدىردى.
– اسىرەسە, جاستار ءۇشىن ءومىر تەك قازىرگى كەز جانە بولاشاقتان تۇرمايدى, وتكەن كەزدەن دە قالىپتاساتىنىن ەستەن شىعارماۋ اسا ماڭىزدى, – دەپ مالىمدەدى مارات ءتاجين. – سول سوعىستاعى ۇلى جەڭىستى ماڭگىلىك دەپ اتاۋعا بولادى. ماڭگىلىكتىڭ وتكەن ۋاقىتتان ايىرماشىلىعى انىق, ماسەلەن, وتكەن ۋاقىت كەتىپ قالادى, ال ماڭگىلىك ءار كەزدە جۇرەگىندە, ەسىندە, رامىزدەردە, مەرەكەلەردە, سالت-داستۇرلەردە جانە ەستە ساقتالادى.
كەزدەسۋ بارىسىندا ەلشى تمد مەملەكەتتەرى باسشىلارى كەڭەسىنىڭ شەشىمى بويىنشا قۇرىلعان «1941-1945 جىلدار كەزەڭىندەگى ۇلى وتان سوعىسىنداعى جەڭىسكە – 70 جىل» دەپ اتالعان مەرەيتويلىق مەدالداردى ارداگەرلەرگە ءوز قولىمەن تابىس ەتتى.
وسى وقيعاعا بايلانىستى قازاقستان ەلشىلىگىنە جولىققان رەسەيدىڭ حالىق ءارتىسى رەنات يبراگيموۆ پەن رەسەي استاناسىندا وقىپ جاتقان قازاقستاندىق ستۋدەنتتەر سوعىس كەزىنىڭ اندەرىن شىرقادى. ءسويتىپ, ارداگەرلەرگە قۇرمەت كورسەتىپ, كوڭىلدەرىن كوتەردى, دەپ حابارلادى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى.