ەلباسى نۇرسۇلتان نازارباەۆ ۇلىبريتانيا جانە سولتۇستىك يرلانديا بىرىككەن كورولدىگىنىڭ پرەمەر-ءمينيسترى دەۆيد كەمەرونعا كونسەرۆاتيۆتىك پارتيانىڭ پارلامەنتتىك سايلاۋداعى جەڭىسىنە بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان قۇتتىقتادى.
«بۇل جەڭىس ۇلىبريتانيا حالقىنىڭ ءسىزدىڭ ساياساتىڭىزعا بىلدىرگەن ايقىن قولداۋىنىڭ كورسەتكىشى ەكەنى انىق. ءسىزدىڭ پرەمەر-مينيستر لاۋازىمىنداعى قىزمەتىڭىز ەلىڭىزدىڭ وركەندەۋىنە جانە قازاقستان مەن ۇلىبريتانيا اراسىنداعى ستراتەگيالىق ارىپتەستىكتىڭ ودان ءارى دامۋىنا سەپتىگىن تيگىزەتىنىنە سەنىمدىمىن», – دەلىنگەن جەدەلحاتتا.
نۇرسۇلتان نازارباەۆ د.كەمەرونعا زور دەنساۋلىق پەن قاجىماس قايرات, جاۋاپتى قىزمەتىنە تابىس, ال دوستاس ۇلىبريتانيا حالقىنا بەرەكە-بىرلىك پەن باقۋاتتىلىق تىلەدى.