1945 جىل
قۇبىلىپ سول كەزدەردە تۇردى اسپانىم,
سەزدىرىپ شاتتانعانىن, مۇڭ باسقانىن...
قارسى الدىم بالالارمەن بىرگە بارىپ,
اكەمنىڭ جاۋدان قايتقان قۇرداستارىن.
موينىنا اكەنىڭ ۇل اسىلادى,
اكە دە باقىتىنا باس ۇرادى.
...شەتتە تۇر شەمەن كوڭىل قارا بالا,
تىيا الماي كوزدەن اققان جاسىن ءالى!..
قىرىق بەس! كەتپەي قويدىڭ ەسىمنەن ءبىر,
داليىپ جاتتى دالا – توسىندە گۇل.
وشكەنى تالايلاردىڭ قايتا جانىپ,
تىلەۋى تالايلاردىڭ كەسىلگەن جىل...
ايتقالي نارىكوۆ.
ورال.